బాలకృష్ణ కొడుకు సినిమాల్లోకి ఎంట్రీ.. ఫస్ట్‌లుక్‌ రిలీజ్‌
ఎప్పుడెప్పుడా అని ఎదురుచూస్తున్న సమయం రానే వచ్చింది. బాలకృష్ణ తనయుడు, నందమూరి కుటుంబ వారసుడు మోక్షజ్ఞ తేజ.. సినీ ఇండస్ట్రీలోకి ఎంట్రీ ఇచ్చారు.
By అంజి Published on 6 Sep 2024 5:55 AM GMT
బాలకృష్ణ కొడుకు సినిమాల్లోకి ఎంట్రీ.. ఫస్ట్‌లుక్‌ రిలీజ్‌
ఎప్పుడెప్పుడా అని ఎదురుచూస్తున్న సమయం రానే వచ్చింది. బాలకృష్ణ తనయుడు, నందమూరి కుటుంబ వారసుడు మోక్షజ్ఞ తేజ.. సినీ ఇండస్ట్రీలోకి ఎంట్రీ ఇచ్చారు. 'సింబా ఈజ్‌ కమింగ్‌' అంటూ ఆయన లుక్‌ను విడుదల చేశారు. హనుమాన్‌ మూవీ దర్శకుడు ప్రశాంత్‌ వర్మ తెరకెక్కించనున్న మైథలాజికల్‌ యాక్షన్‌ ఎంటర్‌టైనర్‌లో మోక్షజ్ఞ నటిస్తున్నట్టు మేకర్స్‌ ప్రకటించారు. ఆయన బర్త్‌ డే సందర్భంగా సినిమాలోని లుక్‌ రివీల్‌ చేశారు. దీంతో అభిమానులు విషెస్‌ చెబుతున్నారు. సుధాకర్‌ చెరుకూరి ఈ సినిమాను నిర్మిస్తున్నారు.
త్వరలోనే ఈ సినిమా టైటిల్‌, అప్డేట్స్‌ వెల్లడిస్తామన్నారు. కాగా లెజెండరీ ఎన్టీఆర్ మనవడికి ఇది పెద్ద టికెట్ లాంచ్ వెహికల్ అవుతుంది. ప్రశాంత్‌ వర్మ సినిమాటిక్‌ యూనివర్స్‌ నుంచి రెండో ప్రాజెక్ట్‌గా రానున్న మూవీలో మోక్షజ్ఞ అలరించనున్నారు. అయితే వీరిద్దరి కాంబినేషన్‌లో రాబోతున్న సినిమా స్టోరీ లైన్ ఏంటనేదానిపై అభిమానులు ఆసక్తిగా ఉన్నారు. రెండు రోజుల నుంచి దర్శకుడు ప్రశాంత్‌ వర్మ వరుస పోస్ట్‌లతో మోక్షజ్ఞ ఎంట్రీ గురించి హింట్‌ ఇస్తూ వచ్చారు. ఇవాళ మోక్షజ్ఞ లుక్‌ను పంచుకుని తన తర్వాతి సినిమా హీరో అంటూ బాలకృష్ణ వారసుడిని పరిచయం చేశారు.
