నయనికతో తన లవ్ ఎలా మొదలైందో చెప్పిన అల్లు శిరీష్

ఇటీవలే నయనిక రెడ్డితో నిశ్చితార్థం చేసుకున్న నటుడు అల్లు శిరీష్ ఎట్టకేలకు తమ లవ్‌ స్టోరీ గురించి ఓపెన్ అయ్యారు. తన కాబోయే భార్య గురించి ఇప్పటి వరకు పెద్దగా తెలియకపోయినా, రెండేళ్ల క్రితం తన బంధువు వరుణ్ తేజ్ నటి లావణ్య త్రిపాఠిని వివాహం చేసుకున్న సమయంలో తమ ప్రయాణం ఎలా ప్రారంభమైందో శిరీష్ పంచుకున్నారు. శిరీష్ తన నిశ్చితార్థ వేడుకకు సంబంధించిన అనేక ఫొటోలను పోస్ట్ చేశాడు. తన తాజా పోస్ట్‌లలో ఒకదానిలో.. వరుణ్, లావణ్యత రెండవ వివాహ వార్షికోత్సవ శుభాకాంక్షలు తెలుపుతూ వారితో ఉన్న ఫోటోను పంచుకున్నాడు. చిత్రంతో పాటు, అతను నయనికాను ఎలా కలిశాడనే మధురమైన నేపథ్య కథను వెల్లడించాడు.

"వరణ్‌, లావణ్యలకు రెండవ వివాహ వార్షికోత్సవ శుభాకాంక్షలు! అక్టోబర్ 2023లో, వరుణ్ & లావణ్య వివాహం చేసుకున్నప్పుడు.. నితిన్, షాలిని కందుకూరి వారి కోసం ఒక పార్టీ ఇచ్చారు. ఈ పార్టీకి షాలిని తన ప్రాణ స్నేహితురాలు నయనికను ఆహ్వానించారు. ఆ రాత్రి నేను, నయనిక నిజంగా మొదటిసారి కలిశాము" అని శిరీష్ తన లవ్‌ స్టోరీ చెప్పుకొచ్చాడు.

"ఇప్పుడు, రెండు సంవత్సరాల తరువాత, మేము సంతోషంగా ప్రేమలో ఉన్నాము. నిశ్చితార్థం చేసుకున్నాము. ఏదో ఒక రోజు, ఇదంతా ఎలా ప్రారంభమైందని నా పిల్లలు నన్ను అడిగినప్పుడు, నేను వారికి 'హౌ ఐ మెట్ యువర్ మదర్' అని చెబుతాను. నన్ను తమ సర్కిల్‌లోకి స్వాగతించిన, మొదటి రోజు నుండి నన్ను ప్రేమిస్తున్నట్లు భావించిన నయనిక స్నేహితులందరికీ పెద్ద ధన్యవాదాలు!" అని ఆయన అన్నారు.

హైదరాబాద్‌లో పుట్టి పెరిగిన నయనిక ఒక సంపన్న వ్యాపార కుటుంబానికి చెందినది. ఆమె ఎక్కువగా వెలుగులోకి రాకుండానే ఉన్నప్పటికీ.. అధికారికంగా ప్రకటించే ముందు ఆమె, శిరీష్ చాలా కాలంగా స్థిరమైన సంబంధంలో ఉన్నారని తెలుస్తోంది.