కొత్త సినిమా అప్‌డేట్‌పై అల్లు అర్జున్‌ ట్వీట్

ఐకాన్ స్టార్ అల్లు అర్జున్ పుట్టిన రోజు సందర్భంగా ఆయన కొత్త సినిమాపై భారీ అనౌన్స్‌మెంట్ వచ్చింది. తమిళ దర్శకుడు అట్లీ దర్శకత్వంలో అల్లు అర్జున్ సినిమా అధికారికంగా వెల్లడైంది. సన్ పిక్చర్స్ నిర్మాణ సంస్థపై ఈ మూవీ రానుంది. ఈ విషయాన్ని తెలుపుతూ నిర్మాణ సంస్థ బన్నీకి విషెస్ చెప్పగా, అదే వీడియోను అల్లు అర్జున్ తన సోషల్ మీడియా అకౌంట్‌లో పోస్టు చేశారు. AA22 పేరుతో తెరకెక్కుతున్న ఈ సినిమా పైన అనౌన్స్‌మెంట్ చేస్తూనే ఓ అదిరిపోయే వీడియోను కూడా రిలీజ్ చేసింది చిత్రం బృందం.

కాగా పుష్ప మూవీతో జాతీయ అవార్డును అందుకుని టాలీవుడ్ ఇండస్ట్రీలో అల్లు అర్జున్ ట్రెండ్ సెట్టర్‌గా నిలిచారు. దీనికి సీక్వెల్‌గా వచ్చిన పుష్ప-2 కూడా భారీ విజయం నమోదు చేసుకుంది. దీంతో ఇప్పుడు స్టార్ డైరెక్టర్ అట్లీతో మూవీ ప్రాజెక్టు చేస్తుండటంపై ఆయన ఫ్యాన్స్‌లో ఆసక్తి నెలకొంది.