తిరుపతిలో 'ఆదిపురుష్' ప్రీ రిలీజ్ ఈవెంట్

ప్రభాస్ హీరోగా తెరకెక్కిన 'ఆదిపురుష్' సినిమా విడుదల కోసం ప్రజలంతా ఎంతో ఆసక్తికరంగా ఎదురుచూస్తూ ఉన్నారు. ఈ సినిమాను జూన్ 16వ తేదీన తెలుగుతో పాటు తమిళ, మలయాళ, కన్నడ, హిందీ భాషల్లో విడుదల చేయనున్నారు. ఈ సినిమాలో, సీతారాములుగా ప్రభాస్ - కృతి సనన్ నటించారు. ఓం రౌత్ దర్శకత్వం వహించారు. ఈ సినిమా నుంచి ఇటీవల వచ్చిన ట్రైలర్, జై శ్రీరామ్ సాంగ్ కారణంగా ఒక్కసారిగా అంచనాలు పెరిగిపోయాయి. ఈ నేపథ్యంలో ఈ సినిమా ప్రీ రిలీజ్ ఈవెంట్ కి ముహూర్తాన్ని ఖాయం చేశారు. జూన్ 6వ తేదీన తిరుపతిలో ఈ సినిమా ప్రీ రిలీజ్ ఈవెంటును నిర్వహిస్తున్నారు. ఈ విషయాన్ని తెలియజేస్తూ, అందుకు సంబంధించిన పోస్టర్ ను వదిలారు. తిరుపతిలో గ్రాండ్ గా ప్రీ రిలీజ్ ఈవెంట్ ను నిర్వహించనున్నారు.

అమెరికాలోని ఈ సినిమా అడ్వాన్స్ బుకింగ్స్ మొదలయ్యాయి. సినీమార్క్ థియేటర్ చైన్ లో సినిమా టికెట్ల అమ్మకాలు మొదలయ్యాయి. Cinemark లో 3D వెర్షన్ కోసం 23 డాలర్లు ఖర్చు చేయాల్సి ఉండగా.. సాధారణ స్క్రీన్‌లలో 20 డాలర్లకు టికెట్లను విక్రయిస్తూ ఉన్నారు. ఈ సినిమాలో భారీ స్థాయిలో వీఎఫ్ఎక్స్ ఉండడంతో సినిమాను 3డీలో చూడడానికే ప్రజలు ఎక్కువగా ఇష్టపడుతూ ఉన్నారు. U.S. ప్రీమియర్‌లు జూన్ 15, గురువారం షెడ్యూల్ చేశారు. ప్రీమియర్ షోలు భారత కాలమానం ప్రకారం ఉదయం 3:30 గంటలకు ప్రారంభమవుతాయి. టికెట్స్ సేల్స్ బాగా ఉంటే అదనపు షోలు, థియేటర్లు త్వరలో పెంచనున్నారు. దేవదత్త నాగే, సన్నీ సింగ్, ఇతర నటీనటులు కూడా కీలక పాత్రల్లో నటిస్తున్న ఈ భారీ చిత్రంలో సైఫ్ అలీ ఖాన్ రావణుడి పాత్రను పోషిస్తున్నారు. టి-సిరీస్, రెట్రోఫిల్స్ బ్యానర్లపై ఆదిపురుష్ సినిమాను నిర్మించారు.