విద్యార్థులకు అలర్ట్..జేఈఈ అడ్వాన్స్‌డ్-2026 పూర్తి షెడ్యూల్ వచ్చేసింది

దేశ వ్యాప్తంగా ఐఐటీల్లో ప్రవేశాలకు నిర్వహించే జేఈఈ అడ్వాన్స్‌డ్-2026 షెడ్యూల్ విడుదలైంది. భారతదేశం అంతటా ఉన్న ఇండియన్ ఇన్స్టిట్యూట్ ఆఫ్ టెక్నాలజీ (IITలు)లో B.Tech ప్రోగ్రామ్‌లలో ప్రవేశం కోసం ఈ పరీక్ష నిర్వహిస్తారు. ముందుగా ప్రకటించినట్లుగా, JEE అడ్వాన్స్ 2026 మే 17, 2026న కంప్యూటర్ ఆధారిత పరీక్ష (CBT) మోడ్‌లో జరుగుతుంది.

ముఖ్యమైన రిజిస్ట్రేషన్ తేదీలు

JEE అడ్వాన్స్ 2026 కోసం ఆన్‌లైన్ రిజిస్ట్రేషన్ ప్రక్రియ ఏప్రిల్ 2026లో ప్రారంభమవుతుంది. ఏప్రిల్ 23 నుంచి మే 2 వరకు భారత సంతతి విద్యార్థుల రిజిస్ట్రేషన్‌కు అవకాశమిచ్చింది. ఏప్రిల్ 6 నుంచి మే 2 వరకు ఫారినర్స్ విద్యార్థులకు రిజిస్ట్రేషన్ చేసుకునే అవకాశం ఇచ్చారు. JEE మెయిన్ అర్హత సాధించిన భారతీయ అభ్యర్థులకు రిజిస్ట్రేషన్ తేదీలు భిన్నంగా ఉంటాయి.

పరీక్షలు ఎలా ఉంటాయి?

పేపర్ 1: ఉదయం 9:00 నుండి మధ్యాహ్నం 12:00 వరకు, పేపర్ 2: మధ్యాహ్నం 2:30 నుండి సాయంత్రం 5:30 వరకు ఉంటుంది. ర్యాంకింగ్ కోసం పరిగణించబడటానికి అభ్యర్థులు రెండు పేపర్లకు హాజరు కావాలి. ప్రశ్నపత్రం ఇంగ్లీష్ మరియు హిందీలో అందుబాటులో ఉంటుంది.

ఎవరు అర్హులు?

JEE మెయిన్ 2026 నుండి టాప్ 2.5 లక్షల మంది అభ్యర్థులు మాత్రమే JEE అడ్వాన్స్ డ్ 2026 కి దరఖాస్తు చేసుకోవడానికి అర్హులు. JEE మెయిన్ 2026లో అగ్రశ్రేణి ప్రతిభ కనబరిచినవారు దరఖాస్తు చేసుకోవచ్చు. NTA JEE మెయిన్ 2026 ను రెండు సెషన్లలో నిర్వహిస్తుంది: సెషన్ 1 జనవరి 21 నుండి జనవరి 30, 2026 వరకు మరియు సెషన్ 2 ఏప్రిల్ 1 నుండి ఏప్రిల్ 10, 2026 వరకు. అడ్మిట్ కార్డులు మే 11-17 వరకు అందుబాటులో ఉంటాయి. ఫలితాలు జూన్ 1, 2026న ప్రకటించబడతాయి. JoSAA కౌన్సెలింగ్ జూన్ 2, 2026 నుండి ప్రారంభమవుతుంది.