అంబేద్కర్‌ ఓపెన్‌ వర్సిటీలో విద్యతో పాటు స్కాలర్‌షిప్‌

హైదరాబాద్‌లోని బీఆర్‌ అంబేద్కర్‌ ఓపెన్‌ యూనివర్సిటీలో త్వరలో స్టైఫండ్‌ బేస్డ్‌ అప్రెంటిషిప్‌ ప్రోగ్రామ్‌ ప్రారంభించనుంది. విద్యార్థులకు నైపుణ్యంతో కూడిన విద్యతో పాటు స్కాలర్‌షిప్‌ అందించనున్నారు. ఇటీవల రిటైల్‌ సెక్టార్‌ స్కిల్‌ కౌన్సిల్‌ ఆఫ్‌ ఇండియా (RASCI)తో యూనివర్సిటీ ఒప్పందం చేసుకుంది. ఈ ప్రోగ్రామ్‌కు సంబంధించి త్వరలో RASCIతో కలిసి ఉమ్మడి నోటిఫికేషన్‌ విడుదల చేయనున్నారు.

ప్రతి విద్యార్థికి విద్యతో పాటు ఉద్యోగావకాశాలు కల్పించడంతో పాటు, వ్యాపారవేత్తలుగా తీర్చిదిద్దనున్నారు. ఈ కోర్సులో చేరిన విద్యార్థులకు నెలకురూ.7 వేల నుంచి రూ.24 వేల వరకు సంపాదించుకునే అవకాశం కల్పించనున్నారు. 28 ఏళ్ల వయస్సు ఉండి.. అంబేద్కర్‌ ఓపెన్‌ యూనివర్సిటీలో డిగ్రీ పూర్తి చేసిన వారు ఈ కోర్సులో చేరవచ్చు.