శబరిమలలో మండల పూజకు వేళాయె

శబరిమల అయ్యప్ప ఆలయంలో మండల పూజ డిసెంబర్ 27న ఉదయం 10.10 గంటల నుండి 11.30 గంటల మధ్య జరుగుతుందని ఆలయ ప్రధాన పూజారి కందరారు మహేష్ మోహనారు తెలిపారు. పూజకు సంబంధించిన ఆరతి ఉదయం 11.30 గంటలకు ముగుస్తుందని అన్నారు. అయ్యప్ప స్వామికి అలంకరించే బంగారు అంకి (పవిత్ర బంగారు వస్త్రం)ను ఉత్సవ ఊరేగింపుగా శబరిమలకు తీసుకువస్తారు. డిసెంబర్ 23న ఉదయం 7 గంటలకు అరణ్ముల పార్థసారథి ఆలయం నుండి ఊరేగింపు ప్రారంభమవుతుంది.

డిసెంబర్ 26న సాయంత్రం దీపారాధనకు ముందు బంగారు అంకి శబరిమల సన్నిధానం చేరుకుంటుంది. విగ్రహంపై అంకిని అలంకరించిన తర్వాత, సాయంత్రం 6.30 గంటలకు దీపారాధన చేస్తారు. డిసెంబర్ 27న, మధ్యాహ్నం విగ్రహాన్ని బంగారు అంకితో అలంకరించిన తర్వాత మండల పూజ జరుగుతుంది. ఆ రాత్రి 11 గంటలకు హరివరాసనం తర్వాత ఆలయం మూసివేయనున్నారు.