టెక్నాలజీ గురించి తెలిసిన వాళ్లు.. చదువుకున్న వాళ్లే సైబర్ నేరగాళ్ల మాయలో..!

సైబర్ క్రైమ్స్.. ప్రపంచ వ్యాప్తంగా ఎంతో మందిని ఇబ్బంది పెడుతూ ఉన్నాయి. లక్షల్లో, కోట్లల్లో సైబర్ నేరగాళ్లు డబ్బును కొల్లగొడుతూ ఉన్నారు. చదువుకున్న వాళ్లు, టెక్నాలజీ మీద అవగాహన ఉన్న వాళ్లు కూడా సైబర్ నేరగాళ్ల మాయలో పడిపోతూ ఉన్నారు. సైబర్ నేరాలకు పాల్పడుతున్న వాళ్లు కూడా బాగా చదువుకున్న వాళ్లే ఉన్నారు. ఇక ఆంధ్రప్రదేశ్ రాష్ట్రంలో నమోదైన సైబర్ నేరాలకు పాల్పడిన వారిలో 70 శాతం మంది చదువుకున్న, టెక్ గురించి తెలిసినవాళ్ళే అని చెబుతున్నారు. ఆంధ్రప్రదేశ్‌లో సైబర్ నేరాల బాధితుల్లో దాదాపు 70 శాతం మంది సాంకేతిక పరిజ్ఞానం ఉన్నవారు, విద్యావంతులు. పట్టుబడిన వారు డబ్బు కోసం అత్యాశకు పోయి.. మోసాలను చేయడానికి అలవాటు పడ్డారు. వర్చువల్ మోసాలకు సంబంధించిన బాధితుల్లో కనీసం 30 నుండి 40 శాతం మంది గ్రాడ్యుయేట్ లేదా పోస్ట్ గ్రాడ్యుయేట్ అని పోలీసులు తెలిపారు. బాధితుల్లో 20 నుంచి 30 శాతం మంది టెక్ నిపుణులుగా పనిచేస్తున్నారు. కేవలం 10 నుంచి 20 శాతం మంది బాధితులు మాత్రమే పదో తరగతిలో అర్హత సాధించారు. ADCP (CCS), D శ్రావణ్ కుమార్ మాట్లాడుతూ సైబర్ నేరాలు ఎక్కువగా యువకులు, సాంకేతిక పరిజ్ఞానం ఉన్నవారిచే జరుగుతాయన్నారు.

సైబర్ క్రైమ్‌ల బాధితుల్లో ఎక్కువ మంది విద్యావంతులు, సాంకేతిక పరిజ్ఞానం ఉన్నవారు ఉన్నారు. సులువుగా డబ్బు సంపాదించాలనే దురాశ ఒక యువకులని సైబర్ నేరాలకు పాల్పడేలా చేస్తుంది. చాలా మంది విద్యావంతులు ఈ మోసాలకు బలైపోవడానికి అజ్ఞానం, దురాశ ప్రధాన కారణాలుగా చెబుతున్నారు. విద్యావంతులు, సాంకేతిక పరిజ్ఞానం ఉన్న యువకులు మోసాలు, లాటరీ మోసాలు, ఇతరుల బారిన పడుతున్నారని సైబర్ నేరాల విభాగానికి చెందిన సీనియర్ పోలీసు అధికారి తెలిపారు. మధ్య వయస్కులైన విద్యావంతులు 'వన్ టైమ్ పాస్‌వర్డ్' మోసాలకు బాధితులవుతారు.

సైబర్‌క్రూక్స్ 2021లో ఇంటిలో నుండి డబ్బు సంపాదించడం, మరికొన్ని ఇతర మార్గాల ద్వారా వైజాగ్ కు చెందిన వారిని రూ. 9.3 కోట్లకు పైగా మోసం చేశారు. వైజాగ్ నగరంలో సైబర్ నేరాల సంఖ్య 2021 నుండి 2020 వరకు 13.5 శాతం తగ్గింది. 2020తో పోలిస్తే 2021లో సైబర్ నేరగాళ్లు 50 శాతం ఎక్కువ డబ్బును దోచుకున్నారు. కోవిడ్ -19 కారణంగా సాంకేతికత అందరి చేతుల్లోకి వెళ్లడంతో సైబర్ నేరగాళ్లు నెటిజన్లను మోసం చేయడానికి వినూత్న ఆలోచనలతో వస్తున్నారు. విద్యావంతులు మరియు సాంకేతిక పరిజ్ఞానం ఉన్న వ్యక్తులు సైబర్ నేరగాళ్ల మాయలో పడిపోతున్నారు. "మేము అవగాహన డ్రైవ్‌లను నిర్వహిస్తున్నాము, అయినా సైబర్ నేరాల సంఖ్య పెరుగుతోంది" అని సీనియర్ పోలీసు అధికారి తెలిపారు.

ఆంధ్రప్రదేశ్‌లో 2021లో మొత్తం 1,761 సైబర్ నేరాలు నమోదయ్యాయి.

2020లో ఏపీలో 2,136 సైబర్ నేరాలు నమోదయ్యాయి.

2021లో వైజాగ్ నగరంలో జరిగిన మొత్తం 307 సైబర్ క్రైమ్‌లలో 104 సైబర్ క్రైమ్ కేసులు పార్ట్ టైమ్ ఉద్యోగాలు, OLX, రుణ మోసాలకు సంబంధించినవి.

2021లో సైబర్ నేరాల గుర్తింపు రేటు చాలా తక్కువగా ఉంది.

వైజాగ్ సిటీ పోలీసులు 2021లో 18 కేసుల్లో కేవలం 21 మంది నిందితులను మాత్రమే అరెస్ట్ చేయగలిగారు

వైజాగ్ పోలీసులు 2021లో చోరీ సొత్తు రూ.1.2 కోట్లు మాత్రమే రికవరీ చేశారు.