యూట్యూబర్‌ జంట గొడవ.. బిల్డింగ్‌ 7వ అంతస్తు నుంచి దూకడంతో..

హర్యానాలో దారుణం జరిగింది. బహదూర్‌గఢ్‌లోని ఓ ఫ్లాట్‌లో సహజీవనం చేస్తున్న జంట తమ భవనంలోని ఏడో అంతస్తు నుంచి దూకి మరణించారు. గర్విట్ (25), నందిని (22) యూట్యూబ్‌, ఫేస్‌బుక్‌ కోసం షార్ట్-ఫారమ్ వీడియోలను రూపొందించే కంటెంట్ సృష్టికర్తలు. ఈ జంట ఇటీవలే డెహ్రాడూన్ నుండి బహదూర్‌ఘర్‌కు వచ్చారు. వారి ఐదుగురు సహచరులతో కలిసి ఫ్లాట్‌లో నివసిస్తున్నారు. సంఘటన జరిగిన రోజు, గర్విత్, నందిని షూటింగ్ ముగించుకుని ఇంటికి ఆలస్యంగా రావడంతో ఏదో సమస్యపై వారి మధ్య వాగ్వాదం జరిగింది.

అనంతరం ఉదయం 6 గంటల సమయంలో భవనంపై నుంచి దూకి మృతి చెందినట్లు సమాచారం. దంపతులు బహదూర్‌ఘర్‌లోని రుహిల్ రెసిడెన్సీలో నివసిస్తున్నారు. పోలీసులు వారి మృతదేహాలను శవపరీక్ష కోసం పంపించారు. సంఘటన గురించి వారి కుటుంబాలకు సమాచారం అందించారు. కుటుంబ సభ్యుల వాంగ్మూలం ఆధారంగా ఈ కేసులో తదుపరి చర్యలు తీసుకోనున్నారు. కేసును విచారించేందుకు ఫోరెన్సిక్ బృందం ఘటనా స్థలం నుంచి ఆధారాలు సేకరిస్తుంది. భవనంలోని చుట్టుపక్కల ఉన్న సీసీటీవీ ఫుటేజీలను కూడా పరిశీలిస్తారు.