దారుణం.. మహిళా టెక్కీకి మత్తుమందు ఇచ్చి కారులో అత్యాచారం

ఉత్తరప్రదేశ్‌లోని గురుగ్రామ్‌లో దారుణ ఘటన జరిగింది. ఓ మాల్ బేస్‌మెంట్‌లో పార్క్ చేసిన కారులో ఓ వ్యక్తి 27 ఏళ్ల మహిళా టెక్కీకి మత్తుమందు ఇచ్చి అత్యాచారానికి పాల్పడ్డాడని పోలీసులు తెలిపారు. పోలీసులు తెలిపిన వివరాల ప్రకారం.. ఇంజినీరింగ్‌ గ్రాడ్యుయేట్‌ అయిన మహిళను ఉద్యోగ ఇంటర్వ్యూ సాకుతో పిలిచి, నీళ్లలో మత్తుమందు కలిపిన నిందితుడు ఆమెపై అత్యాచారానికి పాల్పడ్డాడని పోలీసులు తెలిపారు. సెక్టార్ 51లోని మహిళా పోలీస్ స్టేషన్‌లో ఇచ్చిన ఫిర్యాదులో, ప్రాణాలతో బయటపడిన ఆమె ఆన్‌లైన్‌లో ఉద్యోగం కోసం వెతుకుతున్నానని, తుషార్ శర్మ అనే వ్యక్తిని సంప్రదించానని, అతను తనకు ఉద్యోగం ఇప్పిస్తానని హామీ ఇచ్చాడని చెప్పింది. నిందితుడు ఆమెకు నీటిని అందించాడని, దానిని సేవించిన తర్వాత ఆమె స్పృహ కోల్పోయింది.

ఆ తర్వాత నిందితుడు మహిళపై అఘాయిత్యానికి ఒడిగట్టాడు. ప్రాణాలతో బయటపడిన మహిళ నేరుగా పోలీస్‌స్టేషన్‌కు వెళ్లింది. తనకు ఎదురైన కష్టాలను వివరిస్తూ.. తుషార్‌ శర్మ తనను తన కారులోకి తోసి అత్యాచారం చేశాడని చెప్పింది. ఈ విషయాన్ని ఎవరికైనా చెబితే చంపేస్తానని బెదిరించి ఆమెను మాల్ పార్కింగ్‌లో వదిలేసి పారిపోయాడు. ఫిర్యాదు అందుకున్న పోలీసులు ప్రాణాలతో బయటపడిన మహిళని వైద్య పరీక్షల నిమిత్తం ఆస్పత్రికి తరలించారు. భారత శిక్షాస్మృతిలోని సెక్షన్ 328 (విషం ద్వారా గాయపరచడం), 376 (అత్యాచారం), 506 (నేరపూరిత బెదిరింపు) కింద తుషార్ శర్మపై ఎఫ్ఐఆర్ నమోదు చేయబడింది. మాల్ యాజమాన్యం నుంచి సీసీటీవీ ఫుటేజీని కోరిన పోలీసులు నిందితులను పట్టుకునేందుకు ప్రయత్నిస్తున్నారు.