విజయనగరం : ఇద్దరు గిరిజన బాలికలపై అత్యాచారం.. రౌడీషీటర్‌కు జీవిత ఖైదు

మన్యం జిల్లాలో 2022 జనవరి 1న ఇద్దరు మైనర్ గిరిజన బాలికలపై అత్యాచారం చేసిన కేసులో 34 ఏళ్ల రౌడీ షీటర్‌కు విజయనగరంలోని ప్రత్యేక పోక్సో కోర్టు మంగళవారం జీవిత ఖైదు విధించింది. బాధితులు ఒక్కొక్క‌రికి రూ.5ల‌క్ష‌లు చెల్లించాల‌ని న్యాయ‌స్థానం ఆదేశించింది.

చినమేరంగికి చెందిన వెలగాడ రాంబాబు 20కి పైగా కేసుల్లో ప్రమేయం ఉన్నట్లు పోలీసులు తెలిపారు. అతను జనవరి 1, 2022న పోలీసు కానిస్టేబుల్‌గా నటించి ఇద్దరు బాలికలపై అత్యాచారం చేశాడు. ఇంటర్మీడియట్ చదువుతున్న ఇద్దరు బాలికలు నూతన సంవత్సరం సందర్భంగా రావడా డ్యామ్‌ను సందర్శించి తమ హాస్టల్‌కు తిరిగి వస్తుండగా అత్యాచార ఘటన చోటుచేసుకుంది.

బాలిక‌ల‌పై అత్యాచారానికి పాల్ప‌డిన త‌రువాత విష‌యాన్ని ఎవ‌రికైనా చెబితే తీవ్ర ప‌రిణామాలు ఉంటాయ‌ని హెచ్చ‌రించాడు. విష‌యం బ‌య‌ట‌కు తెలిస్తే సోష‌ల్ మీడియాలో అప్ లోడ్ చేస్తాన‌ని బెదిరించాడు.

బాధితుల ఫిర్యాదు మేరకు సబ్‌ఇన్‌స్పెక్టర్‌ శివప్రసాద్‌ ఆధ్వర్యంలో కురుపాం పోలీసులు కేసు నమోదు చేసి ఇన్‌స్పెక్టర్‌ టీవీ తిరుపతిరావు దర్యాప్తు చేపట్టారు. నిందితుడిని ఐపీసీ సెక్షన్ 376, పోక్సో చట్టంలోని సంబంధిత సెక్షన్ల కింద అరెస్ట్ చేశారు. చార్జిషీటు దాఖలు చేశారు.

పోక్సో కోర్టు న్యాయమూర్తి షేక్ సికిందర్ భాషా రాంబాబును దోషిగా నిర్ధారించి జీవిత ఖైదు విధించారు. న్యాయమూర్తి దోషికి 24,500 రూపాయల జరిమానా కూడా విధించారు. మన్యం పోలీసు సూపరింటెండెంట్‌ వి విద్యాసాగర్‌ నాయుడు దోషిగా నిర్ధారించిన పోలీసు సిబ్బందిని, పబ్లిక్‌ ప్రాసిక్యూటర్‌ ఎం శంకరరావును అభినందించారు.