ఐపీఎస్ అధికారి పెళ్లి వేడుకలో భారీ దొంగతనం.. నిందితులు బంధువులేనని అనుమానం.!
Theft happened in the marriage of IPS officer, thieves stole jewelry and cash. మధ్యప్రదేశ్‌లోని శివపురి నగరం దొంగలకు అత్యంత ఇష్టమైన కేంద్రంగా మారింది. రోజూ నేరాలు చేస్తూ పోలీసులకు సవాల్ విసురుతున్నారు.
By అంజి
మధ్యప్రదేశ్‌లోని శివపురి నగరం దొంగలకు అత్యంత ఇష్టమైన కేంద్రంగా మారింది. రోజూ నేరాలు చేస్తూ పోలీసులకు సవాల్ విసురుతున్నారు. ఈసారి ఓ ట్రైనీ ఐపీఎస్ అధికారి ఇంట్లో దొంగలు చోరీకి పాల్పడ్డారు. ఈ చోరీ ఘటన స్వయంగా ఐపీఎస్ అధికారి పెళ్లి వేడుకలోనే జరిగింది. కిక్కిరిసిన వాతావరణం మధ్య దొంగలు నగలు, డబ్బును నీట్ గా అపహరించారు. ఈసారి నక్షత్ర వాటిక మ్యారేజ్ గార్డెన్‌లో దొంగలు చోరీకి పాల్పడ్డారు. ఐపీఎస్ అధికారి నరేంద్ర సింగ్ రావత్ పెళ్లి వేడుకలో దొంగలు చేతులు దులుపుకున్నారు. వధువు తరఫు నగలు, డబ్బును దొంగలు ఎత్తుకెళ్లారు.
శివపురి నగరంలోని మహల్ కాలనీలో నివసిస్తున్న నరేంద్ర సింగ్ రావత్ ఈ ఏడాది ఇండియన్ పోలీస్ సర్వీస్‌కు ఎంపికయ్యారు. రావత్ ప్రస్తుతం శిక్షణలో ఉన్నాడు. 6 డిసెంబర్ 2021 న, వారి వివాహం నక్షత్ర వాటికలో జరిగింది. అదే సమయంలో స్టేజ్‌ ప్రోగ్రాం జరుగుతుండగా, దొంగలు అక్కడికి ప్రవేశించి నగలు, డబ్బును అపహరించారు. రెస్ట్‌రూమ్‌లోకి ప్రవేశించిన దొంగలు ఒకదాని తర్వాత ఒకటిగా మూడు గదుల్లో చోరీకి పాల్పడ్డారు. మూడు గదుల్లోనూ నగదు, నగలు మాయమయ్యాయి. నక్షత్ర వాటికలో సీసీటీవీలు ఏర్పాటు చేశారు. అక్కడ అమర్చిన సీసీటీవీలో దొంగల ఫొటోలు రికార్డయ్యాయి.
కొత్వాలి పోలీస్‌స్టేషన్‌ పరిధిలో జరిగిన ఈ చోరీ ఘటన, అది కూడా ఓ ఐపీఎస్ అధికారి సొంత పెళ్లి వేడుకలో జరిగిన చోరీ ఘటన స్థానిక పోలీసు శాఖలో కలకలం రేపింది. శివపురి నగరంలో ఐపీఎస్ అధికారుల ఇళ్లలోనే దొంగతనాలు జరుగుతుంటే మరీ సామాన్యుల ఇళ్ల పరిస్థితేంటని అందరూ అనుకుంటున్నారు. విశేషమేమిటంటే.. ఈ చోరీ ఘటనలో అనుమానం బయటి వ్యక్తులపై కాదు.. పెళ్లికి వచ్చిన వారిపైనే. ఈ కేసులో నిందితులు ఇరువర్గాల బంధువులు. అందుకే ఎవరి వైపు నుంచి ఎలాంటి రిపోర్టు ఇవ్వలేదు, పోలీసులు వివరాలు చెప్పడం లేదు.
