అన్న భార్య తనతోనే ఉండాలని.. మద్యం మత్తులో తమ్ముడు బ్లేడ్‌తో..
Shivpuri elder brother went to jail wife younger brother cut his hand with a blade. మధ్యప్రదేశ్‌లోని శివపురి జిల్లా పిచోర్‌లో ఓ విచిత్రమైన కేసు వెలుగులోకి వచ్చింది. అన్నయ్య హత్య కేసులో జైలు
By అంజి
మధ్యప్రదేశ్‌లోని శివపురి జిల్లా పిచోర్‌లో ఓ విచిత్రమైన కేసు వెలుగులోకి వచ్చింది. అన్నయ్య హత్య కేసులో జైలు శిక్ష అనుభవించాడు. జైలుకు వెళ్లిన తర్వాత తమ్ముడు తన అన్నయ్య భార్యను పెళ్లి చేసుకోకుండా.. ఇంట్లోనే తన భార్యగా ఉంచుకున్నాడు. అయితే అన్నయ్య ఐదేళ్ల జైలు శిక్ష అనుభవించి ఇంటికి వచ్చి భార్యతో కలిసి జీవించడం ప్రారంభించాడు. దీంతో తమ్ముడు ఇది చూసి తట్టుకోలేకపోయాడు. దీంతో బ్లేడుతో తన చేతులు కోసుకున్నాడు. ఘటనా స్థలానికి చేరుకున్న పోలీసులు నిందితుడి సోదరుడిని అదుపులోకి తీసుకుని విచారిస్తున్నారు.
సమాచారం ప్రకారం.. పిచోర్ పోలీస్ స్టేషన్ పరిధిలోని వీర్ గ్రామానికి చెందిన జగదీష్ అనే వ్యక్తి హత్య కేసులో ఐదేళ్లపాటు జగదీష్ జైలులోనే ఉన్నాడు. ఈ క్రమంలో జగదీష్ భార్యను అతని తమ్ముడు రాజేష్ భార్యగా చేసుకుని పిచ్చోర్‌ నగర్‌ కొత్తలో నివాసం ఉంటున్నాడు. జగదీష్ భార్య తనకు ఎలాంటి ఆసరా లేకపోవడంతో బలవంతంగా తన మరిదితో కలిసి జీవిస్తోందని చెబుతున్నారు. నిజానికి జగదీష్ తమ్ముడికి పెళ్లి కాలేదు. హత్య కేసులో అన్నయ్య జైలుకెళ్లడంతో తమ్ముడు దీన్ని సద్వినియోగం చేసుకుని అన్నయ్య భార్యను తన వద్దే ఉంచుకోవడం మొదలుపెట్టాడు.
ఐదేళ్ల తర్వాత జైలు నుంచి ఇంటికి వచ్చిన జగదీష్ ఏదో విషయమై గొడవ పడ్డాడు. అన్నయ్య భార్య తనతోనే ఉండాలని తమ్ముడు రాజేష్ కోరుకున్నాడు. ఈ మొత్తం ఘటనలో జగదీష్, అతని భార్య పోలీసులు అడిగితే ఏమీ చెప్పకుండా నిరాకరిస్తున్నారు. తమ్ముడిని పోలీసులు అరెస్ట్ చేశారు. ఈ విషయంపై విచారణ జరుగుతోంది. ఈ ఘటనకు సంబంధించి అన్నయ్య జగదీష్, అతని భార్యను కూడా పోలీసులు విచారించారు. మద్యం సేవించి గొడవకు దిగి బ్లేడుతో చేయి కోసుకున్నట్లు చెప్పాడు.
