గుజరాత్‌లో ఘోర రోడ్డు ప్రమాదం జరిగింది. రాతి పనిచేసుకుని బ్ర‌తుకుతున్న ఆ కూలీల జీవితాలు నిద్ర‌లోనే తెల్లారిపోయాయి. పుట్‌పాత్‌పై నిద్ర‌స్తున్న వారిపై నుంచి ఓ ట్రక్ దూసుకెళ్లిపోయింది. సూరత్‌లోని కోసాంబా అనే ప్రాంతంలో ఈ ఘ‌ట‌న చోటుచేసుకుంది. ఈ ఘ‌ట‌న‌లో 15 మంది ప్రాణాలు కోల్పోయారు. మ‌రో ముగ్గురు తీవ్రంగా గాయ‌ప‌డ్డారు. క్ష‌త‌గాత్రుల‌ను సూర‌త్ త‌ర‌లించి చికిత్స అంద‌జేస్తున్నారు. వీరంతా రాజ‌స్థాన్‌లోని బాన్స్‌వాడా జిల్లాకు చెందిన వారిగా గుర్తించారు. ట్రక్కు డ్రైవర్ నిద్ర మత్తులో వాహనం నడపడం కారణంగానే ఈ ప్రమాదం చోటుచేసుకున్న‌ట్లు భావిస్తున్నారు.

పోలీసులు తెలిపిన వివ‌రాల మేర‌కు.. కోసంబిలోని ఓ ప్ర‌ధాన కూడ‌లి నుంచి మాండ్వివైపు లారీ వేగంగా వెలుతోంది. ఈ క్ర‌మంలో ఎదురుగా చెరుకు లోడ్‌తో వ‌స్తున్న ట్రాక్ట‌ర్‌ను ఢీకొట్టింది. దీంతో డ్రైవ‌ర్ నియంత్ర‌ణ కోల్పోయి పుట్‌పాత్ వైపు మ‌ళ్లించాడు. ఆ పుట్‌పాత్‌పై నిద్రిస్తున్న 18 మంది కార్మికుల‌పై నుంచి లారీ దూసుకెళ్లింది. ఇందులో 12 మంది అక్క‌డిక్క‌డే మృతి చెంద‌గా.. మ‌రో ముగ్గురు ఆస్ప‌త్రిలో చికిత్స పొందుతూ ప్రాణాలు కోల్పోరు. మ‌రో ముగ్గురు ప‌రిస్థితి విష‌మంగా ఉంది. ఈ ఘ‌ట‌న‌పై కేసు న‌మోదు చేసుకుని ద‌ర్యాప్తు చేస్తున్న‌ట్లు తెలిపారు.





తోట‌ వంశీ కుమార్‌

Next Story