16 మందిని మ‌హిళ‌ల‌ను చంపిన సైకో.. చిన్న చీటి ప‌ట్టించింది
Psycho killed 16 women.ఒంట‌రిగా ఉన్న మ‌హిళ‌ల‌ను టార్గెట్ చేసేవాడు. 16 మందిని మ‌హిళ‌ల‌ను చంపిన సైకో
By తోట వంశీ కుమార్‌ Published on 26 Jan 2021 9:36 AM GMT
ఒంట‌రిగా ఉన్న మ‌హిళ‌ల‌ను టార్గెట్ చేసేవాడు. వారికి మాయ‌మాట‌లు చెప్పి న‌గ‌ర శివారుల్లోకి తీసుకువెళ్లి అత్యంత దారుణంగా హ‌త్య చేసేవాడు. ఇలా 16 మంది మ‌హిళ‌ల‌ను హ‌త్య చేసి పోలీసులకు దొర‌క‌కుండా త‌ప్పించుకు తిరుగుతున్నాడు. కాగా.. అత‌డిని ఓ చిన్న చీటి పోలీసులకు ప‌ట్టించింది. జ‌న‌వ‌రి మొద‌టి వారంలో న‌గ శివారుల్లోని అంకుషాపూర్ ద‌గ్గ‌ర స‌గం కాలిన మ‌హిళ మృత‌దేహాం ఉంద‌ని పోలీసులకు స‌మాచారం వ‌చ్చింది. వెంట‌నే అక్క‌డ‌కు చేరుకున్న పోలీసులు ప‌రిస‌ర ప్రాంతాల‌ను గాలించినా.. మృతిరాలికి సంబంధించిన ఏ విధ‌మైన స‌మాచారం ల‌భించ‌లేదు.
ఆ మ‌హిళ‌ను గుర్తు ప‌ట్ట‌కుండా ఉండేందుకు ముఖం పై పెట్రోలు పోసి త‌గ‌బెట్టాడంతో కేసును చేదించ‌డం పోలీసులకు క‌ష్టంగా మారింది. అయితే.. ఆమ‌హిళ చీర కొంగుకు ముడి క‌నిపించింది. అది విప్పి చూడ‌గా.. అందులో ఓ చిన్న చీటి క‌నిపించింది. అందులో ఓ ఫోన్ నెంబ‌ర్ రాసి ఉంది. దాని ఆధారంగా ద‌ర్యాప్తు ప్రారంభించారు. అది నేరేడ్‌మెట్‌కు చెందిన ఓ వ్య‌క్తి ఫోన్ నెంబ‌ర్‌గా తెలిసింది. వెంట‌నే అత‌డిని అదుపులోకి తీసుకుని విచారించారు. ఆ హ‌త్య‌తో త‌న‌కు సంబంధం లేద‌ని చెప్పాడు. ఆమె పేరు వెంక‌ట‌మ్మ అని.. జూబ్లిహ్లిల్స్‌లోని వెంక‌ట‌గిరిలో ఉంటుంద‌ని చెప్పాడు.
రాచ‌కొండ పోలీసులు జూబ్లీహిల్స్ పోలీసుల‌ను సంప్ర‌దించ‌గా.. జ‌న‌వ‌రి 1వ తేదీ నుంచి వెంక‌ట‌మ్మ క‌నిపించ‌డం లేద‌ని కేసు న‌మోదైందని.. ఆ రోజు మ‌ధ్యాహ్నాం బేగంపేట‌లో ఆమె ఫోన్ స్విచ్చాఫ్ అయిన‌ట్లు గుర్తించారు. వివిధ ప్రాంతాల్లో సీసీ పుటేజీల‌ను ప‌రిశీలించగా.. ఆమె మ‌రో వ్య‌క్తితో క‌లిసి ఆటో ఎక్కిన‌ట్లు గుర్తించారు. ఆ వ్య‌క్తి ఫోటోను మృతురాలి కుటుంబ స‌భ్యుల‌కు చూపించ‌గా.. అత‌డెవ‌రో త‌మ‌కు తెలియ‌దని వారు చెప్పారు. చివ‌రికి ఓ చేప‌ల వ్యాపారి గుర్తు ప‌ట్ట‌డంతో.. ఎట్ట‌కేల‌కు నిందితుడి అదుపులోకి తీసుకున్నారు. అత‌డు చెప్పిన విష‌యాలు విని పోలీసులే ఆశ్చ‌ర్య‌పోయారు. వెంక‌ట‌మ్మ‌ను మాత్ర‌మే కాకుండా చాలా మంది మ‌హిళ‌ల‌ను హ‌త్య చేసిన‌ట్లు చెప్పాడు. ద‌ర్యాప్తు చేప‌ట్టిన పోలీసులు 16 మందిని ఆ సైకో హ‌త‌మార్చిన‌ట్లు ప్రాథ‌మికంగా నిర్దారించారు. డ‌బ్బు కోసం చంపాడా.. లేక మ‌రే ఇత‌ర కార‌ణంగా చంపాడా అన్న‌ది తెలుసుకునే పనిలో ఉన్నారు.
