జబర్దస్త్‌ నటుడు నవసందీప్‌ అరెస్ట్‌

జబర్దస్త్ కమెడియన్, సింగర్‌ నవసందీప్‌ను పోలీసులు అరెస్టు చేశారు. పెళ్లి చేసుకుంటానని నమ్మించి, లోబర్చుకున్నాడని యువతి ఇచ్చిన ఫిర్యాదు మేరకు నవసందీప్‌ను పోలీసులు అరెస్టు చేశారు. జబర్దస్త్ కమెడియన్ గాయకుడు నవ సందీప్‌కి ఓ యువతితో పరిచయం ఏర్పడింది. ఈ పరిచయం కాస్త ప్రేమగా మారింది. దీంతో నవ సందీప్ యువతికి మాయమాటలు చెప్పి హైదరాబాద్‌కు తీసుకువచ్చాడు. అప్పటి నుంచి ఆమె షేక్ పెట్‌లోని ఆల్ హమారా కాలనీలోని ఒక హాస్టల్లో నాలుగు సంవత్సరాలుగా ఉంటోంది. ఈ క్రమంలో నవ సందీప్ యువతకి పెళ్లి చేసుకుంటానంటూ పలుమార్లు ఆమెతో శారీరక సంబంధం పెట్టుకున్నాడు.

అతని మాయమాటలు నమ్మిన ఆ యువతీ పలుమార్లు అతని చేతిలో బలి అయింది. ఇటీవల నవ సందీప్‌ను ఆ యువతి వివాహం విషయం అడగడంతో మొహం చాటేసాడు. దీంతో తాను మోసపోయానని గ్రహించిన ఆ యువతి పోలీసులను ఆశ్రయించింది. తాను మోసపోయానని గ్రహించిన బాధిత యువతి తొలుత గోల్కొండ పోలీసులకు ఫిర్యాదు చేసింది. జీరో ఎఫ్‌ఐఆర్‌ నమోదు చేసిన గోల్కొండ పోలీసులు.. ఆ కేసును మధురానగర్‌ పోలీసు స్టేషన్‌కు బదిలీ చేశారు. మధురానగర్ పోలీసులు కేసు నమోదు చేసుకుని దర్యాప్తు కొనసాగించి ప్రేమ పేరుతో యువతని వంచించి లైంగికంగా వాడుకున్న ఆరోపణపై నవ సందీప్ ను మధురానగర్ పోలీసులు అరెస్టు చేసి రిమాండ్‌కి తరలించారు.