విషాదం.. క్యాంపస్ భవనంపై నుంచి దూకి ఎన్‌ఐటీ విద్యార్థి ఆత్మహత్య

నేషనల్ ఇన్‌స్టిట్యూట్ ఆఫ్ టెక్నాలజీ (ఎన్‌ఐటీ) విద్యార్థి సోమవారం కేరళలోని కోజికోడ్ జిల్లాలోని యూనివర్సిటీ భవనంలో ఆత్మహత్య చేసుకున్నట్లు పోలీసులు తెలిపారు. క్యాంపస్‌లోని భవనంపై నుంచి దూకి విద్యార్థి మృతి చెందాడు. మెకానికల్ ఇంజినీరింగ్ మూడో సంవత్సరం చదువుతున్న మృతుడు యోగేశ్వర్ నాథ్‌గా గుర్తించబడ్డాడు, అతను కేరళేతరుడు అని వార్తా సంస్థ పీటీఐ రిపోర్ట్‌ చేసింది.

మృతుడు యోగీశ్వరనాథ్ మోతుకూరు స్వస్థలం ముంబై. "ప్రాథమికంగా, ఇది ఆత్మహత్య కేసు. అతను భవనంపై నుండి దూకి చనిపోయినట్లు కనుగొనబడింది. ఉదయం 5:30 గంటల సమయంలో అతను తీవ్ర చర్య తీసుకున్నట్లు అనుమానిస్తున్నారు" అని పోలీసు అధికారి తెలిపారు. సమగ్ర విచారణ తర్వాత ఘటనకు సంబంధించిన మరిన్ని వివరాలు వెల్లడిస్తామని అధికారి తెలిపారు.

పురుషుల హాస్టల్‌లోని సీ-బ్లాక్‌లోని ఏడో అంతస్తు నుంచి యోగీశ్వర్నాథ్ దూకాడు. ఆత్మహత్యాయత్నానికి ముందు, అతను తన కుటుంబానికి సందేశం పంపాడు. వారు వెంటనే క్యాంపస్ అధికారులకు సమాచారం అందించారు, కాని అధికారులు అతను నేలపై పడి ఉన్నట్లు గుర్తించారు. వెంటనే కోజికోడ్‌ మెడికల్‌ కాలేజీ ఆస్పత్రికి తరలించగా, యోగీశ్వర్‌నాథ్‌ మృతి చెందినట్లు ప్రకటించారు. మృతదేహానికి శవపరీక్ష నిర్వహించనున్నారు.