10 ఏళ్ల బాల్‌ సంత్‌ బాబాపై ట్రోలింగ్‌.. ఏడుగురు యూట్యూబర్‌లపై తల్లి ఫిర్యాదు‌

ప్రముఖ 10 ఏళ్ల స్వీయ ప్రకటిత ఆధ్యాత్మిక వక్త బాల్‌ సంత్‌ బాబా అలియాస్‌ అభినవ్ అరోరాను ట్రోల్ చేసినందుకు ఏడుగురు యూట్యూబర్‌లపై మధుర సూపరింటెండెంట్ ఆఫ్ పోలీస్‌కి అతని తల్లి ఫిర్యాదు చేసింది. సనాతన ధర్మాన్ని అనుసరించే 10 ఏళ్ల బాలుడి మత విశ్వాసాలను అపహాస్యం చేసేలా మరియు కించపరిచేలా దురుద్దేశపూర్వకంగా రూపొందించిన వీడియోలను అప్‌లోడ్ చేసిన యూట్యూబర్‌లపై అతని తల్లి ఫిర్యాదు చేసింది.

యూట్యూబర్‌లను "హిందూ వ్యతిరేక వాదులు" అని పిలుస్తూ, వారి వీడియోల కంటెంట్ హిందూమతం యొక్క ఆచారాలు, విశ్వాసాలకు వ్యతిరేకంగా "ద్వేషాన్ని ప్రోత్సహించడానికి రూపొందించబడింది" అని ఫిర్యాదు పేర్కొంది. అభినవ్‌ను కించపరిచేలా, వేధించేందుకే యూట్యూబ్ వీడియోలను అప్‌లోడ్ చేశారని పేర్కొంది. అభినవ్ గోప్యతను ఉల్లంఘించారని, అతను "విపరీతమైన ఒత్తిడి, మానసిక వేధింపులకు" గురవుతున్నాడని ఫిర్యాదులో ఆరోపించారు. "నిందిత వ్యక్తుల ప్రవర్తన ఫిర్యాదుదారుని కుటుంబాన్ని ఆత్మహత్య దశకు నెట్టింది" అని ఫిర్యాదులో పేర్కొంది.

యూట్యూబర్‌ల చర్యలు అభినవ్ అరోరాకు "అపారమైన మానసిక వేదన" కలిగించాయని, "అతని వయస్సు కేవలం 10 సంవత్సరాలు అని ఫిర్యాదుదారు" పేర్కొంది. "అతను తన మతాన్ని స్వేచ్ఛగా ఆచరించలేడు లేదా శారీరకంగా, ఆన్‌లైన్‌లో వేధింపులకు గురవుతాడు లేదా అవమానించబడతాడనే భయం లేకుండా తన రోజువారీ జీవితాన్ని గడపలేడు" అని ఫిర్యాదుదారు చెప్పారు. "నిందితుల వీడియోలు.. అభినవ్‌ కుటుంబ గౌరవాన్ని, మనశ్శాంతిని తీవ్రంగా ప్రభావితం చేసింది" అని కూడా ఫిర్యాదు పేర్కొంది.

"కుటుంబంలోని ప్రతి సభ్యుడిని బహిరంగంగా ఎగతాళి చేస్తున్నారు, ఇది వారికి తీవ్ర ఇబ్బంది కలిగించింది. నిందితులు తప్పుడు లాభాల కోసం ఫిర్యాదుదారుని పరువు తీశారు" అని ఫిర్యాదులో పేర్కొన్నారు.