భర్తకు వేరే అమ్మాయి నుంచి ఆ మెసేజ్‌లు.. మనస్తాపంతో భార్య ఆత్మహత్య
Married woman commits suicide over husband's illicit affair in Guntur. ఏపీలో విషాద ఘటన జరిగింది. గుంటూరు నగర పరిధిలోని నవులూరులో ఓ వివాహిత ఆత్మహత్యకు పాల్పడింది. రూరల్ పోలీసులు
By అంజి
ఏపీలో విషాద ఘటన జరిగింది. గుంటూరు నగర పరిధిలోని నవులూరులో ఓ వివాహిత ఆత్మహత్యకు పాల్పడింది. రూరల్ పోలీసులు తెలిపిన వివరాల ప్రకారం.. నవులూరుకు చెందిన బర్ల చంద్రమ్మ(40)కి వసంత్ కుమార్ తో వివాహమైంది. వీరికి ఇద్దరు పిల్లలు. వసంత్ కుమార్ స్థానికంగా ఉన్న ఓ మహిళతో గత కొన్నేళ్లుగా సన్నిహితంగా మెలుగుతున్నాడు. ఈ నేపథ్యంలో ఆదివారం రాత్రి భోజనం చేస్తున్న సమయంలో ఓ మహిళ ఫోన్ నుంచి వసంత్ కుమార్ ఫోన్‌కు మెసేజ్ వచ్చింది.
అది చూసిన చంద్రమ్మ భర్తతో వాగ్వాదానికి దిగింది. ఆ మహిళతో ఇంకెప్పుడూ సన్నిహితంగా ఉండబోనని భర్త చెప్పడంతో వివాదం ముగిసింది. అయితే మనస్తాపం చెందిన చంద్రమ్మ సోమవారం తెల్లవారుజామున 3 గంటల సమయంలో బాత్ రూమ్ లోకి వెళ్లి యాసిడ్ తాగి ఆత్మహత్యాయత్నానికి ప్రయత్నించింది. కుటుంబ సభ్యులు గమనించి క్షతగాత్రులను ఆస్పత్రికి తరలించగా అదే రోజు మృతి చెందింది. సమాచారం అందుకున్న పోలీసులు వివరాలు సేకరించి కేసు నమోదు చేసి దర్యాప్తు చేస్తున్నారు.
