ఇన్‌స్టాగ్రామ్‌లో ట్రయాంగిల్ ప్రేమ.. హత్యకు దారి తీసిన వీడియో కాల్

ఇన్‌స్టాగ్రామ్‌లో మొదలైన ట్రయాంగిల్ ప్రేమ ఢిల్లీలో 20 ఏళ్ల యువకుడి హత్యకు దారితీసింది. పోలీసులు తెలిపిన వివరాల ప్రకారం.. సోషల్ మీడియా యాప్‌లో స్నేహం చేసిన మహిళ బాయ్‌ఫ్రెండ్‌ 18 ఏళ్ల అర్మాన్ ఖాన్, అతని స్నేహితులు డిసెంబర్ 27 న మహిర్ అనే వ్యక్తిని కత్తితో పొడిచినట్లు పోలీసులు తెలిపారు.

హత్యకు దారి తీసిన వీడియో కాల్

పోలీసులు ఇంకా గుర్తించని 21 ఏళ్ల మహిళ, ఇన్‌స్టాగ్రామ్‌లో ఇద్దరూ అర్మాన్‌ ఖాన్‌, మహిర్‌లతో స్నేహం చేసింది. మహిర్ ఒకరోజు ఆ మహిళ ఇంటికి వచ్చి వీడియో కాల్‌లో అర్మాన్‌తో మాట్లాడుతున్నట్లు గుర్తించాడు. దీంతో ఇద్దరి మధ్య వాగ్వాదం జరగింది. కొద్ది రోజులకు అర్మాన్ మహిళ ఫోన్ తీసుకుని మహిర్‌తో మాట్లాడకుండా అడ్డుకున్నాడు. డిసెంబరు 27న మహిళ ఫోన్‌ను తిరిగి ఇస్తానన్న నెపంతో అర్మాన్‌ భాగీరథి విహార్‌లోని ఒక లేన్‌కు మహిర్‌ను పిలిచాడు. మహిర్ రాగానే అర్మాన్ మరో ఇద్దరు నిందితులు ఫైసల్ ఖాన్, సమీర్‌తో కలిసి కత్తితో పొడిచాడు. ఆ తర్వాత ముగ్గురూ రక్తస్రావంతో కిందపడిన మహిర్‌ను అక్కడే వదిలేసి వెళ్లారు.

భాగీరథి విహార్ వద్ద రోడ్డుపై కత్తిపోట్లతో పడి ఉన్న వ్యక్తి గురించి పోలీసులకు సమాచారం అందింది. అక్కడికి చేరుకోగానే, పోలీసులు నేరస్థలం నుంచి రక్తంతో తడిసిన కత్తిని స్వాధీనం చేసుకున్నారు. అనంతరం మహిర్ మృతదేహాన్ని శవపరీక్ష నిమిత్తం జీటీబీ ఆస్పత్రికి తరలించారు. అతడు పహర్‌గంజ్‌లోని ఓ ఫ్లెక్స్‌ షాపులో పనిచేసేవాడని పోలీసులకు తెలిసింది. నేరంలో ముగ్గురు నిందితులు, అర్మాన్, అతని సహచరులు ఫైసల్ ఖాన్ (21), సమీర్ (19)లను ఢిల్లీ పోలీసులు, దాని యాంటీ-ఆటో థెఫ్ట్ స్క్వాడ్ (AATS) అరెస్టు చేశారు.

పోలీసులు తెలిపిన వివరాల ప్రకారం.. ముగ్గురూ భాగీరథి విహార్‌లోని వేర్వేరు దుకాణాల్లో పనిచేశారు. అర్మాన్ ఒక సాధారణ దుకాణాన్ని నడుపుతున్నాడు, ఫైసల్ LCD టీవీలను రిపేర్ చేసే దుకాణంలో పనిచేశాడు. సమీర్ స్క్రాప్ డీలర్. గుకుల్‌పురి పోలీస్ స్టేషన్‌లో ఎఫ్‌ఐఆర్ దాఖలు చేయబడింది. ముగ్గురిపై భారతీయ శిక్షాస్మృతిలోని సెక్షన్ 302 కింద హత్యా నేరారోపణలు ఉన్నాయి.