ఆ జంట పెళ్లి చేసుకోవాలనుకున్నారు.. కానీ..

కేరళలోని కొట్టాయంలో విషాద సంఘటన వెలుగులోకి వచ్చింది. ఒక హోటల్ గదిలో అనుమానాస్పద స్థితిలో ఒక యువకుడు, యువతి మృతదేహాలు వేలాడుతూ కనిపించాయి. వివాహానికి కుటుంబం అంగీకరించకపోవడంతో వారు చేసుకుని ఉంటారని పోలీసుల ప్రాథమిక దర్యాప్తులో తేలింది. ఈ ఘటనకు సంబంధించి తెలిసిన వివరాల ప్రకారం.. మృతులను పుతుప్పల్లి నివాసి నందకుమార్ (22), పారుంబైకాడులోని వరిస్సేరి నివాసి అసియా థానమ్మ (19) గా గుర్తించారు. పోలీసులు తెలిపిన వివరాల ప్రకారం, వీరిద్దరూ గత కొన్ని సంవత్సరాలుగా ప్రేమలో ఉన్నారని, వివాహం చేసుకోవాలనుకున్నారు.

వారు తమ సంబంధం గురించి వారి కుటుంబాలకు చెప్పారు, కానీ వారి కుటుంబాలు అంగీకరించలేదు. గురువారం ఆ యువకుడు, యువతి కొట్టాయం నగరంలోని శాస్త్రి రోడ్డులోని ఒక హోటల్‌లో బస చేశారు. ఆ తర్వాత, వారిద్దరూ తమ గది నుండి బయటకు రాలేదు. శుక్రవారం నిర్ణీత సమయానికి వారు గదిని ఖాళీ చేయకపోవడంతో, హోటల్ సిబ్బందికి అనుమానం వచ్చింది. చాలా సేపు ఎటువంటి స్పందన లేకపోవడంతో, హోటల్ సిబ్బంది తలుపు పగలగొట్టి చూడగా వారు ఉరివేసుకుని కనిపించారు. ఈ ఘటనపై దర్యాప్తు జరుగుతోంది.