భార్యపై అనుమానం.. జననాంగాల్లోకి రాడ్‌ దూర్చి.. అతి క్రూరంగా..
Husband insert's iron rod in wife's private part suspecting illicit affair. మధ్యప్రదేశ్‌ రాష్ట్రంలోని ఇండోర్‌లో దారుణ ఘటన చోటు చేసుకుంది. వివాహేతర సంబంధం ఉందనే
By అంజి Published on 10 Nov 2022 4:59 AM GMT
మధ్యప్రదేశ్‌ రాష్ట్రంలోని ఇండోర్‌లో దారుణ ఘటన చోటు చేసుకుంది. వివాహేతర సంబంధం ఉందనే అనుమానంతో ఓ వ్యక్తి తన భార్య ప్రైవేట్ పార్ట్‌లోకి ఇనుప రాడ్‌ని చొప్పించి క్రూరంగా వ్యవహారించాడు. ఆ తర్వాత భార్యను ఇష్టమొచ్చినట్లుగా చావబాదాడు. ఇండోర్ జిల్లాలోని మన్పూర్ పోలీస్ స్టేషన్ పరిధిలో ఈ దారుణ ఘటన చోటుచేసుకుందని పోలీసులు తెలిపారు. మహిళ పరిస్థితి విషమంగా ఉండడంతో ఆస్పత్రిలో చేర్పించారు. బాధితురాలు ఇచ్చిన వాంగ్మూలం మేరకు నిందితుడు భర్తపై పోలీసులు కేసు నమోదు చేసి నిందితుడి కోసం గాలిస్తున్నారు.
దీనిపై మహిళా అధికారిణి సారిక రావత్‌ విచారణ జరుపుతున్నట్లు మన్పూర్ పోలీస్ స్టేషన్ ఇన్‌ఛార్జ్‌ అమిత్‌ కుమార్‌ తెలిపారు. "తన భార్య తనకు సమాచారం ఇవ్వకుండా ఇంటి నుండి వెళ్లిపోవడంతో ఆమె ఎవరినో కలవడానికి వెళ్లిందని అనుమానించి కోపంతో అతను తన భార్యను దారుణంగా కొట్టాడు. ఆమె ప్రైవేట్ పార్ట్‌లో ఇనుప రాడ్‌ని చొప్పించాడు" అని పోలీసులు చెప్పారు. మహిళ పోలీసులకు ఇచ్చిన వాంగ్మూలం ప్రకారం.. ఆమెకు ఇద్దరు పిల్లలు ఉన్నారు. ఆమె భర్త మద్యానికి బానిస. ఆమెను తరచూ కొట్టేవాడు.
