Karimnagar: ఆర్టీసీ బస్సు అతివేగం.. ప్రధానోపాధ్యాయురాలు మృతి
గంగాధర మండలం వెలిచాల సమీపంలో ఆదివారం జరిగిన రోడ్డు ప్రమాదంలో ప్రభుత్వ పాఠశాల ప్రధానోపాధ్యాయురాలు సత్యవ్వ(52) మృతి చెందింది.
By అంజి Published on 2 Jun 2024 9:15 PM IST
Karimnagar: ఆర్టీసీ బస్సు అతివేగం.. ప్రధానోపాధ్యాయురాలు మృతి
కరీంనగర్: గంగాధర మండలం వెలిచాల సమీపంలో ఆదివారం జరిగిన రోడ్డు ప్రమాదంలో ప్రభుత్వ పాఠశాల ప్రధానోపాధ్యాయురాలు సత్యవ్వ(52) మృతి చెందింది. గంగాధర చౌరస్తా వద్ద ఎదురుగా వస్తున్న టీఎస్‌ఆర్‌టీసీ బస్సు ఆమె ద్విచక్రవాహనాన్ని ఢీకొట్టడంతో ఈ ఘటన చోటుచేసుకుంది. వెలిచాల గ్రామానికి చెందిన యస్వాడకు చెందిన సత్యవ్వ రాజన్న-సిరిసిల్ల జిల్లా శాత్రాజపల్లి జిల్లా పరిషత్ ఉన్నత పాఠశాలలో ప్రధానోపాధ్యాయురాలుగా పనిచేస్తున్నారు.
ప్రస్తుతం కరీంనగర్ పట్టణంలో ఉంటున్న సత్యవ్వ తెలంగాణ రాష్ట్ర ఆవిర్భావ దశాబ్ది వేడుకల్లో పాల్గొనేందుకు ఆదివారం పాఠశాలకు వెళ్లి తిరిగి ఇంటికి వస్తుండగా ప్రమాదానికి గురైంది. గంగాధర చౌరస్తా వద్దకు రాగానే ఎదురుగా వస్తున్న ఆర్టీసీ బస్సు ఆమె ద్విచక్రవాహనాన్ని ఢీకొట్టింది. తలకు బలమైన గాయం కావడంతో ఆమె అక్కడికక్కడే మృతి చెందింది.
