హర్యానా మోడల్ దారుణ హత్య.. కాలువలో మృతదేహం లభ్యం

హర్యానాలోని సోనిపట్‌లోని ఖార్ఖోడా ప్రాంతంలో హర్యానా సంగీత పరిశ్రమకు చెందిన శీతల్ అనే మోడల్‌ను గుర్తు తెలియని దుండగులు దారుణంగా హత్య చేశారు. దుండగులు శీతల్‌ అలియాస్‌ సిమ్మీ చౌదరిని గొంతు కోసి చంపారు. ఖండా గ్రామానికి సమీపంలోని ఓ కాలువలో ఆమె మృతదేహం లభ్యమైంది. ఆమె చేతులు, ఛాతీపై ఉన్న పచ్చబొట్లు ద్వారా ఆమెను గుర్తించారు. శీతల్ హర్యాన్వి మ్యూజిక్ వీడియోలలో పనిచేసేది. ఆమె తన సోదరి నేహాతో కలిసి ఖలీలా మజ్రాలో నివసిస్తోంది.

పానిపట్ నివాసి శీతల్ కనిపించడం లేదని ఆమె కుటుంబ సభ్యులు పోలీసులకు ఫిర్యాదు చేశారు. ఈ వారం ప్రారంభంలో పానిపట్ పోలీసులు తప్పిపోయిన శీతల్‌ గురించిన ఫిర్యాదును నమోదు చేశారు. నిన్న రాత్రి, సోనిపట్ పోలీసులు మృతదేహాన్ని స్వాధీనం చేసుకుని సివిల్ ఆసుపత్రికి పోస్ట్ మార్టం కోసం పంపారు. సోనిపట్ పోలీసులు హత్యపై పోలీసులు సమగ్ర దర్యాప్తు ప్రారంభించారు. ప్రస్తుతానికి, ఎవరినీ అరెస్టు చేయలేదు. ఈ దారుణమైన నేరం వెనుక ఉన్న నిందితులను గుర్తించడానికి పోలీసులు దర్యాప్తు చేస్తున్నారు. జూన్ 14న శీతల్ షూటింగ్ కోసం వెళ్లిందని, అక్కడ ఆమె ప్రియుడు ఆమెను కలిసి దాడి చేశాడని చెబుతున్నారు.