మహిళపై అత్యాచారం.. అభ్యంతరకర వీడియోలతో బ్లాక్ మెయిల్.. చివరికి

తన ఇన్‌స్టాగ్రామ్ స్నేహితురాలిపై అత్యాచారం చేసి బ్లాక్ మెయిల్ చేస్తూ, చంపేస్తానని బెదిరించినందుకు గురుగ్రామ్ వ్యక్తిని అరెస్టు చేసినట్లు పోలీసులు మంగళవారం తెలిపారు. నిందితుడు నితీష్ శర్మను ఇన్‌స్టాగ్రామ్ ద్వారా కలిశానని మహిళ పోలీసులకు తెలిపింది. ''ఏప్రిల్ 26న మేము గురుగ్రామ్‌లోని సికేందర్‌పూర్ మెట్రో స్టేషన్‌లో మొదటిసారి కలుసుకున్నాము. అతను నాకు మత్తు మందు కలిపిన శీతల పానీయాన్ని అందించాడు. దానిని తాగిన తర్వాత, నేను స్పృహ కోల్పోయాను. నేను స్పృహలోకి వచ్చినప్పుడు నేను ఓయో హోటల్‌లో ఉన్నాను. నిందితుడు నా అభ్యంతర చిత్రాలు, వీడియోలను తీశాడు'' అని ఆమె చెప్పింది.

"అతను బ్లాక్ మెయిల్ చేయడం ప్రారంభించాడు. నేను ఈ విషయాన్ని ఎవరికైనా చెబితే నా చిత్రాలు, వీడియోలను సోషల్ మీడియాలో అప్‌లోడ్ చేస్తానని నాపై ఒత్తిడి చేయడం ప్రారంభించాడు" అని ఆమె తన ఫిర్యాదులో పేర్కొంది. ఈ విషయానికి సంబంధించి, పోలీసులు జీరో ఎఫ్‌ఐఆర్‌ను స్వీకరించారు. తరువాత నిందితుడిపై అత్యాచారం సహా ఐపిసిలోని సంబంధిత సెక్షన్ల కింద డిఎల్‌ఎఫ్ పోలీస్ స్టేషన్‌లో ఎఫ్‌ఐఆర్ నమోదు చేసి సోమవారం నిందితుడిని పట్టుకున్నారు. వైద్య పరీక్షల అనంతరం బాధితురాలిని సిఆర్‌పిసి సెక్షన్ 164 కింద వాంగ్మూలం కోసం సిటీ కోర్టులో హాజరుపరిచినట్లు సీనియర్ పోలీసు అధికారి తెలిపారు.