Hyderabad: స్నేహితుడి కూతురిపై లైంగిక దాడి.. నిందితుడికి కఠిన కారాగార శిక్ష

హైదరాబాద్‌: పహడిషరీఫ్ స్టేషన్ పరిధిలో స్నేహితుడి కూతురి మీద లైంగిక దాడికి పాల్పడిన నిందితుడికి పోక్సో చట్టం కింద కోర్టు పదేళ్ల కఠిన కారాగార శిక్ష విధించింది. ఈ కేసుకు సంబంధించిన వివరాలు ఇలా ఉన్నాయి. పహడిషరీఫ్ పోలీస్ స్టేషన్ పరిధిలో ఒక వ్యక్తి తన అనారోగ్య కారణాల వల్ల తాత్కాలికంగా తన కూతురి సంరక్షణను కొన్ని రోజులు అతని స్నేహితుడికి అప్పగించాడు. అయితే సదరు స్నేహితుడు ద్రోహ బుద్ధితో ఆ బాలికకు మాయ మాటలు చెప్పి, ఆమె పట్ల అసభ్యకరంగా ప్రవర్తించి, లైంగిక దాడికి పాల్పడ్డాడు. ఈ ఘటనపై పోలీసులు కేసు నమోదు చేసి వృత్తి రీత్యా ఆటో డ్రైవర్‌ అయిన నిందితుడు సయ్యద్ హాజీ అలీని అదుపులోకి తీసుకున్నారు.

తాజాగా ఈ కేసు సంబంధించి కోర్టు తీర్పు వెలువరించింది. సయ్యద్ హాజీని కోర్టు దోషిగా నిర్ధారించింది. పహడిషరీఫ్ పోలీస్ స్టేషన్ పరిధిలో నమోదైన ఈ కేసులో U/S 420,363,376 IPC, section 3&4 ఆఫ్ పోక్సో చట్టం, పహడిషరీఫ్ స్టేషన్ SC NO 614/2022, అత్యాచారం, పోక్సో చట్టం ప్రకారం ఎల్.బి.నగర్‌లోని రంగారెడ్డి జిల్లా ఫాస్ట్ ట్రాక్ ప్రత్యేక న్యాయమూర్తి.. నిందితుడిని దోషిగా నిర్ధారించారు. ఈ కేసులో నిందితుడికి పదేళ్ళ కఠిన కారాగార శిక్ష, రూ.15,000/- జరిమానా విధించబడింది. బాధితురాలికి రూ.5,00,000/- పరిహారం అందించబడింది. ఈ కేసులో అదనపు పబ్లిక్ ప్రాసిక్యూటర్లు సునీత, డి.రఘు వాదనలు వినిపించారు.