దారుణం.. భర్త ప్రైవేట్ పార్ట్ నరికేసిన మహిళ

న్యూఢిల్లీలోని రూప్ నగర్ ప్రాంతంలో ఓ మహిళ వాగ్వాదం కారణంగా తన భర్త ప్రైవేట్ పార్ట్‌ను కోసిందని పోలీసులు శనివారం తెలిపారు. గురువారం - శుక్రవారం మధ్య రాత్రి సమయంలో ఈ సంఘటన జరిగింది. ఢిల్లీలో పనిచేస్తున్న బీహార్‌కు చెందిన బాధితుడు విష్ణు ప్రస్తుతం చికిత్స పొందుతున్నాడు. పోలీసులు తెలిపిన వివరాల ప్రకారం.. శుక్రవారం తెల్లవారుజామున మహిళ తన భర్త వ్యక్తిగత భాగాన్ని కత్తితో కోసి పారిపోయింది.

విష్ణు శనివారం పోలీసులకు ఇచ్చిన వాంగ్మూలంలో, మద్యం సేవించిన తర్వాత భార్యాభర్తల మధ్య తీవ్ర వాగ్వాదం జరిగినట్లు తెలిపారు. గొడవ నేపథ్యంలో భార్య ఇంటి నుంచి వెళ్లిపోవడంతో నిద్రలోకి జారుకున్నాడు. తర్వాత ఆమె తిరిగి వచ్చి పదునైన వస్తువుతో అతనిపై దాడి చేసి, అతని ప్రైవేట్ పార్ట్‌ను గాయపరిచిందని పోలీసులు తెలిపారు. విష్ణును మొదట సమీపంలోని ఆసుపత్రికి తీసుకెళ్లి తదుపరి చికిత్స కోసం మరొక సదుపాయానికి తరలించారు. ప్రస్తుతం ఆ మహిళ పరారీలో ఉంది, ఆమె ఆచూకీ కోసం అధికారులు గాలింపు చేపట్టారు.