పోర్న్‌కు బానిసైన భర్త.. అలాంటి డ్రెస్సులు వేసుకోవాలని భార్యకు వేధింపులు

న్యూఢిల్లీలో తన 30 ఏళ్ల భార్యను పోర్న్ చూడాలని, పోర్న్‌స్టార్స్‌లా దుస్తులు ధరించాలని ఒత్తిడి చేసినందుకు ఓ వ్యక్తిపై కేసు నమోదు చేసినట్లు పోలీసులు బుధవారం తెలిపారు. ఈస్ట్ రోహ్తాష్ నగర్ నివాసి అయిన మహిళ తన భర్త పోర్న్‌కు బానిసయ్యాడని ఆరోపించింది. ఈ జంట 2020లో వివాహం చేసుకున్నట్లు పోలీసులు తెలిపారు. అప్పటి నుండి తన భర్త, అతని కుటుంబం కూడా కట్నం డిమాండ్ చేస్తున్నారని, తనను మానసికంగా. శారీరకంగా వేధిస్తున్నారని మహిళ తన ఫిర్యాదులో ఆరోపించిందని సీనియర్ పోలీసు అధికారి ఒకరు తెలిపారు.

"మహిళ ఫిర్యాదుపై షహదారా పోలీస్ స్టేషన్‌లో వరకట్న నిషేధ చట్టంలోని కోడ్ ,సెక్షన్లు, భారతీయ శిక్షాస్మృతిలోని సెక్షన్లు 498 A (భర్త లేదా భర్త బంధువు ఆమెను క్రూరత్వానికి గురిచేస్తున్నాడు), 406 (నేరపూరిత విశ్వాస ఉల్లంఘన), 377 (అసహజ నేరం), 34 (సాధారణ ఉద్దేశ్యం) కింద కేసు నమోదు చేయబడింది." అని డిప్యూటీ కమిషనర్ ఆఫ్ పోలీస్ (షహదర) రోహిత్ మీనా తెలిపారు. విచారణ ప్రాథమిక దశలో ఉందని రోహిత్‌ మీనా తెలిపారు. ఈ కేసులో తదుపరి చర్యల కోసం సాక్షుల వాంగ్మూలాలను నమోదు చేస్తున్నామని, డిజిటల్, ఇతర ఆధారాలను భద్రపరుస్తున్నామని ఆయన చెప్పారు.