తోటి విద్యార్థుల అరాచకం.. బలవంతంగా విద్యార్థిని దుస్తులు విప్పించి.. వీడియో రికార్డ్

ఉత్తరాఖండ్‌లోని డెహ్రాడూన్‌లో దారుణ ఘటన వెలుగు చూసింది. యూనివర్సిటీ ఆఫ్‌ పెట్రోలియం అండ్‌ ఎనర్జీ స్టడీస్‌లో మొదటి సంవత్సరం చదువుతున్న విద్యార్థిని తన తోటి విద్యార్థులు లైంగిక వేధింపులకు గురి చేశారు. ఒక ప్రైవేట్ హాస్టల్‌లో విద్యార్థికి ముగ్గురు సహవిద్యార్థులు బలవంతంగా మద్యం తాగించారు. ఆ తర్వాత బాలిక దుస్తులు విప్పించారు. విద్యార్థి ప్రతిఘటించడంతో అతని సహవిద్యార్థులు దారుణంగా దాడికి పాల్పడ్డారు. ఆ తర్వాత రూ.60,000 ఇవ్వాలని బెదిరింపులకు గురి చేశారు. ఇదంతా నిందితులు వీడియో రికార్డు చేశారు. వేధింపులు భరించలేక బాధితురాలు సమీపంలోని పోలీస్ స్టేషన్‌లో ఫిర్యాదు చేసింది.

బాధితురాలి ఫిర్యాదు ఆధారంగా, ప్రేమ్ నగర్ పోలీస్ స్టేషన్‌లోని పోలీసులు నిందితులపై IPC సెక్షన్లు 323 (స్వచ్ఛందంగా గాయపరచడం), 384 (దోపిడీ) కింద కేసు నమోదు చేశారు. నవంబర్ 27వ తేదీ తెల్లవారుజామున 2:30 గంటల ప్రాంతంలో తాను తన గదిలో చదువుకుంటున్న సమయంలో ఈ ఘటన జరిగిందని బాధితురాలు తన ఫిర్యాదులో పేర్కొంది. వీరంతా యూనివర్సిటీ క్యాంపస్ వెలుపల ఉన్న ఒకే హాస్టల్‌లో నివసిస్తున్నారని పోలీసులు తెలిపారు.

విద్యార్థి మాట్లాడుతూ.. ''నా సహవిద్యార్థులు ముగ్గురు మద్యంతో నా గదిలోకి ప్రవేశించి నాకు బలవంతంగా మద్యం తాగించారు. ఆపై నన్ను కొట్టారు, బలవంతంగా బట్టలు విప్పించి వీడియో కూడా రికార్డ్ చేశారు.'' అని చెప్పింది. అయితే విద్యార్థిని ర్యాగింగ్ చేయలేదని యుపిఇఎస్ అధికారులు తెలిపారు. యూనివర్సిటీ రిజిస్ట్రార్ మనీష్ మదన్ మాట్లాడుతూ.. ''ఈ సంఘటన మా దృష్టికి వచ్చిందని, ప్రమేయం ఉన్న విద్యార్థులపై మేము కఠినమైన క్రమశిక్షణా చర్యలు తీసుకుంటాము'' అని చెప్పారు. ఈ విషయంపై తదుపరి విచారణ కొనసాగుతోంది.