కానిస్టేబుల్ దారుణ హ‌త్య‌

ఉత్తరప్రదేశ్‌లోని కాన్పూర్‌లోని బిల్హౌర్ పోలీస్ స్టేషన్‌లో విధుల్లో ఉన్న ఒక కానిస్టేబుల్ ను అతి దారుణంగా హ‌త్య చేశారు. గురువారం తెల్లవారుజామున కానిస్టేబుల్ తన గదిలో శవమై కనిపించాడు. కానిస్టేబుల్‌ గొంతు నులిమి చంపడంతో శరీరం, మెడపై పలు గాయాలున్నాయి. మృతదేహాన్ని గదిలోకి లాక్కెళ్లి పడేసిన దుండగులు అక్కడి నుంచి పరారైనట్లు సమాచారం.

సమాచారం అందుకున్న పోలీసులు సంఘటనా స్థలానికి చేరుకుని విచారణ చేపట్టారు. కానిస్టేబుల్ కాన్పూర్ ఔటర్‌లో ఉన్న బ్రహ్మపురి ప్రాంతంలో మిగిలిన పోలీసులతో కలిసి ఉంటూ ఉండేవాడు. ఊహించని విధంగా అతడు చనిపోయి కనిపించాడు. మృతుడు ఫిరోజాబాద్ జిల్లాకు చెందిన కానిస్టేబుల్ దేశ్ దీపక్‌గా గుర్తించారు. తదుపరి విచారణ కొనసాగుతోంది.