మహిళపై బీజేపీ ఎమ్మెల్యే కొడుకు అత్యాచారం.. మద్యం తాగించి బలవంతంగా..

ఆగ్రాలో ఓ మహిళపై అత్యాచారం, దాడికి పాల్పడిన కేసులో బీజేపీ ఎమ్మెల్యే కుమారుడిపై కేసు నమోదైంది. ఫతేహాబాద్ ఎమ్మెల్యే చోటే లాల్ వర్మ కుమారుడు లక్ష్మీకాంత్ వర్మ 2003లో మద్యం తాగించి ఆమెపై అత్యాచారం చేసి, ఆ తర్వాత పెళ్లి చేసుకున్నాడు. మరోవైపు మహిళపై వేధింపులకు పాల్పడినందుకు ఎమ్మెల్యేపై ఆగ్రా పోలీసులు వేధింపుల కేసు నమోదు చేశారు.

30 ఏళ్ల మధ్య వయస్సున్న మహిళ, తాను చోటే లాల్ కుమార్తెకు స్నేహితురాలినని, 17 ఏళ్ల వయస్సు నుంచి తరచూ ఆగ్రాలోని ఆమె ఇంటికి వస్తున్నానని తన ఫిర్యాదులో పేర్కొంది. 2003లో లక్ష్మీకాంత్ వర్మతో పరిచయం ఏర్పడింది. ఎమ్మెల్యే కుమారుడు తనను తన ఇంటికి పిలిచి మద్యం తాగించి, అత్యాచారం చేశాడని ఆమె పేర్కొంది. లక్ష్మీ కాంత్ వర్మ అత్యాచారం వీడియోలు తీసి, చంపేస్తానని బెదిరించాడు. ఆమెపై దాడి చేశాడు. ఆ మహిళను పెళ్లి చేసుకుంటానని కూడా వాగ్దానం చేశాడు.

కొన్ని సంవత్సరాల తరువాత లక్ష్మీ కాంత్ వర్మ తనను ఒక దేవాలయంలో వివాహం చేసుకున్నాడని, ఆ తర్వాత తనను అనేకసార్లు గర్భం తొలగించమని బలవంతం చేశాడని ఆ మహిళ పేర్కొంది. కానీ 2006లో జలంధర్ వెళ్లినప్పుడు, చోటే లాల్ తన కొడుకుకు వేరే అమ్మాయితో వివాహం చేశాడని మహిళ చెప్పింది. విడాకుల పత్రాలపై సంతకం చేయమని ఎమ్మెల్యే కుమారుడు తనను బలవంతం చేశాడని ఆమె పేర్కొంది.

మహిళ ఫిర్యాదు ఆధారంగా, లక్ష్మీకాంత్ వర్మపై సెక్షన్ 376 (రేప్ శిక్ష), 313 (మహిళ అనుమతి లేకుండా గర్భస్రావం కలిగించడం), 323 (స్వచ్ఛందంగా గాయపరిచినందుకు శిక్ష), 504 (శాంతి భంగం కలిగించే ఉద్దేశ్యంతో ఉద్దేశపూర్వకంగా అవమానించడం) కింద కేసు నమోదు చేశారు. ), 506 (నేరమైన బెదిరింపులకు శిక్ష), 494 (భర్త లేదా భార్య జీవితకాలంలో మళ్లీ వివాహం చేసుకోవడం), 328 (విషం ద్వారా గాయపరచడం) ఇండియన్ పీనల్ కోడ్ కింద కేసు నమోదు చేశారు.