19 ఏళ్ల యువకుడు అత్యాచారం.. గర్భం దాల్చిన 16 ఏళ్ల బాలిక

ముంబైలోని దిండోషి పోలీస్ స్టేషన్‌లో పరిధిలో 16 ఏళ్ల మైనర్‌పై అత్యాచారం జరిగింది. బాధితురాలి ఫిర్యాదు మేరకు దిండోషి పోలీసులు నిందితుడిపై ఐపీసీ సెక్షన్లు 65(1), 88, పోక్సో చట్టం కింద కేసు నమోదు చేసి అరెస్టు చేశారు. దిండోషి పోలీస్ స్టేషన్ నుండి అందిన సమాచారం ప్రకారం, నిందితుడు మరియు బాధిత బాలిక ఒకే ప్రాంత నివాసితులు. బాధిత బాలిక 11వ తరగతి చదువుతోంది. ఖాళీ సమయంలో ఆమె సమీపంలోని దుకాణానికి ఇమిటేషన్ జ్యువెలరీ పని చేయడానికి వెళ్లేది. అక్కడ 19 ఏళ్ల యువకుడు కూడా పనిచేసేవాడు. ఒక రోజు నిందితుడు ఆమె ఒంటరిగా ఉండటం ఆసరాగా చేసుకుని ఆమెపై అత్యాచారం చేశాడు.

ఆమె గర్భవతి అయిన తర్వాత అత్యాచారం వెలుగులోకి వచ్చింది. పోలీసులు తెలిపిన వివరాల ప్రకారం, విద్యార్థినికి రుతుక్రమం ఆగిపోయినప్పుడు ఆమె కుటుంబం ఈ విషయం తెలుసుకుని దిండోషి పోలీస్ స్టేషన్‌లో కేసు నమోదు చేసింది. కుటుంబ సభ్యుల ఫిర్యాదు మేరకు, దిండోషి పోలీసులు వెంటనే ఈ విషయంపై దర్యాప్తు చేసి, నిందితుడిని అరెస్టు చేసి, కోర్టులో హాజరుపరిచారు. ప్రస్తుతం యాదవ్ రెండు రోజుల పాటు పోలీసు కస్టడీలో ఉన్నాడు. తదుపరి దర్యాప్తు కొనసాగుతోంది.