యూనివర్సిటీలో 24 ఏళ్ల కాశ్మీరీ విద్యార్థినిపై లైంగిక దాడి.. వంటమనిషి అరెస్టు

న్యూఢిల్లీలోని జామియా మిలియా ఇస్లామియా యూనివర్సిటీ క్యాంటీన్‌లో పనిచేస్తున్న వంటమనిషి కాశ్మీరీ విద్యార్థినిపై లైంగిక వేధింపులకు పాల్పడినందుకు అరెస్టు అయ్యాడు. ఆదివారం రాత్రి 9.30 గంటల ప్రాంతంలో విద్యార్థిని యూనివర్సిటీ ప్రధాన ద్వారం నుంచి బయటకు వస్తుండగా ఆబిద్ అనే వంటవాడు ఆమెను అనుచితంగా తాకాడు. ఈ సంఘటన తర్వాత, సమీపంలో ఉన్న మరికొందరు విద్యార్థులు నిందితుడిని పట్టుకుని కొట్టారు. జామియా యూనివర్సిటీ గేట్ 8 బయట ఒక మహిళతో అసభ్యంగా ప్రవర్తించినట్లు జామియా నగర్ పోలీస్ స్టేషన్‌లో పోలీసులకు ఫిర్యాదు అందింది.

జామియా విశ్వవిద్యాలయంలోని హాస్టల్ మెస్‌లో వంటవాడిగా పనిచేస్తున్న 22 ఏళ్ల ఆబిద్, జమ్మూ కాశ్మీర్‌కు చెందిన 24 ఏళ్ల విద్యార్థినిని తాకినట్లు, లైంగికంగా వేధించాడని ప్రాథమిక విచారణలో తేలింది. ఆబిద్‌ను అదే రాత్రి పోలీస్ స్టేషన్‌లో అదుపులోకి తీసుకున్నారు. అయితే, ఫిర్యాదుదారు మొదట్లో అధికారిక ప్రకటన ఇవ్వకపోవడంతో పోలీసులు ఈ విషయాన్ని పెండింగ్‌లో ఉంచారు. మరుసటి రోజు ఉదయం, విద్యార్థి లిఖితపూర్వకంగా ఫిర్యాదు చేశారు. ఆ తర్వాత భారతీయ న్యాయ సంహితలోని సంబంధిత విభాగాల కింద ఎఫ్‌ఐఆర్ నమోదు చేయబడింది. నిందితుడిని అరెస్టు చేసి, తదుపరి దర్యాప్తు చేస్తున్నారు.