డెబిట్‌ కార్డుల్లో ఈ రకాలు ఉంటాయని తెలుసా?
ఆన్‌లైన్‌ లావాదేవీలకు డెబిట్‌ కార్డులు తొలి గేట్‌వే లాంటివి. వీటి ద్వారా చాలా ప్రయోజనాలు ఉన్నాయి. అయితే ఈ డెబిట్‌ కార్డుల్లో కూడా అనేక రకాలు ఉంటాయని చాలా మందికి తెలీదు.
By అంజి Published on 8 July 2024 1:45 PM GMT
డెబిట్‌ కార్డుల్లో ఈ రకాలు ఉంటాయని తెలుసా?
ఆన్‌లైన్‌ లావాదేవీలకు డెబిట్‌ కార్డులు తొలి గేట్‌వే లాంటివి. వీటి ద్వారా చాలా ప్రయోజనాలు ఉన్నాయి. అయితే ఈ డెబిట్‌ కార్డుల్లో కూడా అనేక రకాలు ఉంటాయని చాలా మందికి తెలీదు. అవేంటో ఇప్పుడు తెలుసుకుందాం..
- రెగ్యులర్‌ డెబిట్‌ కార్డు.. చాలా మంది దగ్గర ఉంటుంది. సాధారణంగా బ్యాంకులు తమ ఖతాదారులకు ఇవే డెబిట్‌ కార్డులను అందిస్తాయి. ఈ కార్డుతో చెల్లింపులు చేసేటప్పుడు పిన్‌ నంబర్‌ తప్పనిసరిగా ఎంటర్‌ చేయాల్సి ఉంటుంది. ఒక వేళ కార్డ్‌ పోయినా.. రిస్క్‌ కాస్త తక్కవుగా ఉంటుంది.
- కాంటాక్ట్‌ లెస్‌ కార్డు.. ల ద్వారా పీఓఎస్‌ మెషీన్‌ను తాకకుండానే లావాదేవీలు జరపొచ్చు. ఈ కార్డులో నియర్‌ ఫీల్డ్‌ కమ్యూనికేషన్‌ అనే సాంకేతికను పొందుపరిచారు. దీని ద్వారా పిన్‌ లేకుండానే రూ.5 వేల వరకు లావాదేవీలు జరపొచ్చు.
- కో బ్రాండెడ్‌ డెబిట్‌ కార్డ్‌లపై.. ప్రత్యేక క్యాష్‌ బ్యాక్‌, డిస్కౌంట్లు పొందవచ్చు. అయితే ఈ డెబిట్‌ కార్డులపై యూజర్‌ ఛార్జీలు ఎక్కువగా ఉంటాయి.
- నాన్‌ కో బ్రాండెడ్‌ డెబిట్‌ కార్డులపై.. యూజర్‌ ఛార్జీలు సాధారణంగానే ఉంటాయి. అంతే కాకుండా ప్రత్యేక క్యాష్‌ బ్యాక్‌, డిస్కౌంట్లు కూడా కాస్తా తక్కువగానే ఉంటాయి.
- ప్రీమియం డెబిట్‌ కార్డుల.. ద్వారా రెట్టింపు ప్రయోజనం పొందవచ్చు. మిగతా డెబిట్‌ కార్డులతో పోలిస్తే ఇందులో ప్రయోజనాలు ఎక్కువగా ఉంటాయి. కొన్ని ప్రీమియం కార్డులైతే డిస్కౌంట్లు, అధిక రివార్డు పాయింట్లతో పాటు విమానాశ్రయాలలో వీఐపీ లాంజ్‌ యాక్సెస్‌ లాంటివి కూడా అందిస్తాయి.
