నేడు ఈ రాశి వారికి సంతాన విద్యా విషయాలలో శుభవార్తలు

మేషం:

చేపట్టిన పనులలో ఆకస్మిక విజయం సాధిస్తారు. సంతాన విద్యా విషయాలలో శుభవార్తలు అందుతాయి. విలువైన వస్తువులు కొనుగోలు చేస్తారు. సమాజంలో ప్రముఖులతో పరిచయాలు పెరుగుతాయి. వృత్తి ఉద్యోగాలలో కీలక నిర్ణయాలు తీసుకుంటారు. చిన్ననాటి మిత్రులను కలుసుకుంటారు.

వృషభం:

అనుకున్న పనులు సకాలంలో పూర్తి చేస్తారు. కుటుంబ వ్యవహారాలలో స్థిరమైన ఆలోచనలు చేసి మీ విలువ పెంచుకుంటారు. బంధు మిత్రులతో వివాదాలురాజీ చేసుకుంటారు. దూర ప్రయాణాలు లాభిస్తాయి. వ్యాపారాలలో పురోగతి కలుగుతుంది. ఉద్యోగాలలో పని ఒత్తిడి నుండి బయటపడతారు.

మిధునం:

చేపట్టిన పనులు నిదానంగా సాగుతాయి. ప్రయాణాలు వాయిదా వెయ్యడం మంచిది. బంధు మిత్రులతో ఆర్థిక పరంగా జాగ్రత్తగా వ్యవహరించాలి. గృహనిర్మాణ పనులు మందగిస్తాయి. ఆధ్యాత్మిక చింతన పెరుగుతుంది. వృత్తి వ్యాపారాలు నిరాశ కలిగిస్తాయి. నిరుద్యోగ యత్నాలు కలిసిరావు.

కర్కాటకం:

వృత్తి, ఉద్యోగాలలో నూతన ప్రోత్సహకాలు అందుకుంటారు. చేపట్టిన పనులు సకాలంలో పూర్తి అవుతాయి. గృహమున కొందరి ప్రవర్తన వలన మానసిక చికాకులు కలుగుతాయి. ఇతరుల నుండి అవసరానికి ధన సహాయం అందుతుంది. స్ధిరాస్తి క్రయ విక్రయాలు అనుకూలంగా సాగుతాయి.

సింహం:

ముఖ్యమైన పనులు సమయానికి పూర్తి చేస్తారు. సోదరులతో స్థిరాస్తి వివాదాలు పరిష్కారమౌతాయి. మిత్రులతో విందు వినోదాది కార్యక్రమాలలో పాల్గొంటారు. వృత్తి ఉద్యోగమున అప్రయత్న కార్యసిద్ధి కలుగుతుంది. దూరపు బంధువుల ఆగమనం ఆనందం కలిగిస్తుంది. దైవ కార్యక్రమాలలో పాల్గొంటారు.

కన్య:

ఇంటా బయట చికాకులు పెరుగుతాయి. ఆర్ధిక వ్యవహారాలు మరింత ఇబ్బంది కలిగిస్తాయి. జీవిత భాగస్వామితో కొన్ని విషయాలలో మనస్పర్ధలు పెరుగుతాయి. ఆధ్యాత్మిక విషయాలపై దృష్టి సారిస్తారు. వృత్తి ఉద్యోగాలలో కొందరి ప్రవర్తన చికాకు కలిగిస్తుంది. వ్యాపారాలు మందకొడిగా సాగుతాయి.

తుల:

పాత రుణాలు తీర్చడానికి నూతన రుణ ప్రయత్నాలు చేస్తారు. కుటుంబ వాతావరణం గందరగోళంగా ఉంటుంది. వృధా ఖర్చులు పెరుగుతాయి. దూర ప్రయాణ సూచనలున్నవి. ఆలయ దర్శనం చేసుకుంటారు. వృత్తి వ్యాపారాలలో స్థిరమైన నిర్ణయాలు తీసుకోకపోవడం వలన నష్టపడతారు. ఉద్యోగమున అధికారుల నుంచి ఒత్తిడి పెరుగుతుంది.

వృశ్చికం:

ఆర్ధిక వ్యవహారాలు సంతృప్తికరంగా సాగుతాయి. సోదరుల సహాయంతో వివాదాల నుండి బయట పడతారు. బంధుమిత్రుల నుండి శుభాకార్య ఆహ్వానాలు అందుతాయి. వ్యాపార విస్తరణ ప్రయత్నాలు సజావుగా సాగుతాయి. ఉద్యోగస్థులకు పదోన్నతులు పెరుగుతాయి. నిరుద్యోగా ప్రయత్నాలలో ఆటంకాలు తొలగుతాయి.

ధనస్సు:

ఇంట బయట కొందరి ప్రవర్తన ఆశ్చర్యం కలిగిస్తుంది. కుటుంబ వ్యవహారాలలో సొంత నిర్ణయాలు కలసిరావు. ఆకస్మిక ప్రయాణ సూచనలున్నవి. వృత్తి వ్యాపారాలు మందకొడిగా సాగుతాయి. మిత్రులతో ఆలయ సందర్శన చేసుకుంటారు. ఉద్యోగమున అధికారులతో చర్చలు కలసిరావు.

మకరం:

గృహమున సంతాన శుభకార్యాలు నిర్వహిస్తారు. ఆర్థికంగా పరిస్థితి ఆశాజనకంగా ఉంటుంది. వృత్తి ఉద్యోగాలలో స్థిరమైన ఆలోచనలు చేసి అధికారుల మన్ననలు పొందుతారు. చేపట్టిన వ్యవహారాలలో విజయం సాధిస్తారు. వ్యాపారాలు లాభల బాటలో సాగుతాయి. ఉద్యోగాలలో ఉత్సాహకర వాతావరణం ఉంటుంది.

కుంభం:

నూతన ఋణ ప్రయత్నాలు కలిసిరావు. చేపట్టిన పనులు నిదానంగా సాగుతాయి. వృత్తి వ్యాపారాలలో ఆశించిన పురోగతి ఉండదు. ఉద్యోగమున మీ కష్టం వృధాగా మిగులుతుంది. ఆధ్యాత్మిక విషయాలపై దృష్టి సారిస్తారు. గృహమున కీలక పత్రాల విషయంలో జాగ్రత్త వహించాలి.

మీనం:

దూరపు బంధు మిత్రుల రాక ఆనందం కలిగిస్తుంది. ఆకస్మిక ధన ప్రాప్తి కలుగుతుంది. విలువైన వస్త్రాభరణాలు కొనుగోలు చేస్తారు. చిన్ననాటి మిత్రులతో దైవ సేవ కార్యక్రమాలలో పాల్గొంటారు. స్థిరాస్తి వివాదాలు పరిష్కరించుకుంటారు. ఉద్యోగమున అధికారుల నుండి అనుకూలత పెరుగుతుంది.