ప‌వ‌ర్ స్టార్ ప‌వ‌న్ క‌ళ్యాణ్ ‘వ‌కీల్ సాబ్’ చిత్రంతో మ‌ళ్లీ రీ ఎంట్రీ ఇస్తున్నారు. వ‌రుస సినిమాలో ప‌వ‌న్ బిజీగా ఉన్నారు. అన్ని అనుకున్న‌ట్లు జ‌రిగితే ఈ చిత్రం ఈ పాటికే ప్రేక్ష‌కుల ముందుకు వచ్చేది. అయితే.. క‌రోనా కార‌ణంగా ఈ చిత్ర విడుద‌ల వాయిదా ప‌డింది. ప్ర‌స్తుతం ప‌వ‌న్ .. క్రిష్ ద‌ర్శ‌క‌త్వంలో ఓ సినిమాలో న‌టిస్తున్నారు. ఈ చిత్ర షూటింగ్ కూడా క‌రోనా కార‌ణంగా నిలిచిపోయింది. అయితే.. ప్ర‌స్తుతం ఈ చిత్రం పై ఇంట్రెస్టింగ్ టాక్ వినిపిస్తోంది.

రాబిన్‌ హుడ్‌ కాన్సెప్ట్‌తో హిస్టారికల్‌ యాక్షన్‌ సినిమాగా తెరకెక్కుతున్న ఈ చిత్రంలో పవన్‌ బందిపోటు పాత్ర పోషిస్తున్నట్లు సమాచారం. కాగా.. ఈ చిత్రంలో ప‌వ‌న్ స‌ర‌స‌న స్వీటి అనుష్క ని తీసుకున్నార‌ట‌. ఈ చిత్ర క‌థ‌ను అనుష్క‌కు వీడియోకాల్‌లో వినిపించార‌ని, అనుష్క కూడా ఈ చిత్రంలో న‌టించేందుకు ఒప్పుకుంద‌ని అంటున్నారు. అయితే.. ఈ చిత్రం కోసం తొలుత బాలీవుడ్ భామ జాక్వెలిస్ ఫెర్నాండెజ్‌ను తీసుకున్నార‌ని వార్త‌లు వినిపించాయి. అందులో ఎంత నిజం ఉందో తెలీదు. కాగా.. ఈ చిత్రంలో ఇద్ద‌రు హీరోయిన్ల‌కు అవ‌కాశం ఉంద‌ని అంటున్నారు. ఈ చిత్రానికి సంబంధించి ఎలాంటి అధికారిక ప్రకటన ఇప్పటివరకు వెలువడలేదు.

ఇక ప‌వ‌న్-క్రిష్ కాంబినేష‌న్‌లో తెర‌కెక్కుతున్న మొద‌టి చిత్రం కావ‌డంతో.. ఈ సినిమా పై అభిమానుల్లో భారీ అంచనాలే ఉన్నాయి. పైగా హిస్టారిక‌ల్ మూవీల‌ను తెర‌కెక్కించ‌డంతో క్రిష్ ది అంద‌వేసిన చేయి కావ‌డంతో.. ప‌వ‌న్‌ను ఈ చిత్రంలో ఎలా చూపించ‌బోడున్నాడోన‌ని అత‌ని అభిమానులు ఎంతో ఆస‌క్తిగా ఎదురుచూస్తున్నారు.

వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.

Leave a Reply

Your email address will not be published. Required fields are marked *