Andhra Pradesh: కరోనా మరణాలపై స్పందించిన వైద్యారోగ్య శాఖ

దేశవ్యాప్తంగా కోవిడ్-19 కేసులు క్రమంగా పెరుగుతున్నాయి, గత 24 గంటల్లో 12591 కేసులు నమోదయ్యాయి. సానుకూలత రేటు 4.4 శాతంగా నమోదైంది. కాగా, ఈ ప్రక్రియపై ఆంధ్రప్రదేశ్ ప్రభుత్వం అప్రమత్తమై కఠిన చర్యలు తీసుకుంది. అయితే ఏపీలో మూడు కోవిడ్ మరణాలు సంభవించాయన్న వార్తలపై వైద్య ఆరోగ్య శాఖ ముఖ్య కార్యదర్శి ఎంటీ కృష్ణబాబు స్పందించారు . గురువారం ఆయన మీడియాతో మాట్లాడుతూ కాకినాడ, విశాఖపట్నంలో నమోదైన మూడు మరణాలకు కరోనా కారణం కాదని స్పష్టం చేశారు.

వీరిలో ఇద్దరు వైరల్‌ న్యుమోనియా, ఒక వ్యక్తి ప్యాంక్రియాటైటిస్‌ కారణంగా మృతి చెందినట్లు వైద్యులు నిర్ధారించారని తెలిపారు. ఏపీలో కరోనా మరణాలు లేవని, కరోనా పరీక్షల సంఖ్యను 5 వేలకు పెంచామని ఈ సందర్భంగా వెల్లడించారు. రాష్ట్రవ్యాప్తంగా జ్వరాల సర్వేలో గుర్తించిన 17,000 మంది జ్వర పీడితులకు పరీక్షలు నిర్వహించామని, కరోనాపై అన్ని నివారణ చర్యలు తీసుకుంటున్నామని తెలిపారు.

గత వారం ఏపీలో పాజిటివిటీ రేటు 2.12 శాతం మాత్రమే ఉందని, కరోనా పూర్తిగా అదుపులో ఉందని ఆయన చెప్పారు. ప్రస్తుతం కరోనా వైరస్ వేగంగా విస్తరిస్తున్నదని, రెండు రోజుల పాటు నిర్వహించిన కోవిడ్ మాక్ డ్రిల్‌లో గుర్తించిన అంశాలను సమీక్షించామని ఆయన వెల్లడించారు. కొత్త వేరియంట్‌పై ప్రజలు అనవసరంగా భయపడవద్దని, దీర్ఘకాలిక వ్యాధులు ఉన్నవారు తగిన జాగ్రత్తలు తీసుకోవాలని సూచించారు.