కుప్పంలో పోలీసులతో పార్టీ కార్యకర్తల వాగ్వాదం.. టీడీపీ కార్యకర్తలపై ఎఫ్ఐఆర్
FIRs against TDP activists after party workers clash with police in Kuppam. కుప్పం: పోలీసుల విధులకు ఆటంకం కలిగించి పోలీసు కానిస్టేబుల్‌ను గాయపరిచినందుకు
By అంజి Published on 5 Jan 2023 2:45 PM GMT
కుప్పం: పోలీసుల విధులకు ఆటంకం కలిగించి పోలీసు కానిస్టేబుల్‌ను గాయపరిచినందుకు చిత్తూరు జిల్లా గొల్లపల్లి, పెద్దూరు, శాంతిపురంలో తెలుగుదేశం పార్టీ కార్యకర్తలపై మూడు ఎఫ్‌ఐఆర్‌లు నమోదయ్యాయి. నెల్లూరులోని కందుకూరు, గుంటూరులో టీడీపీ అధినేత చంద్రబాబు నాయుడు కార్యక్రమాల సందర్భంగా జరిగిన తొక్కిసలాటలో 11 మంది ప్రాణాలు కోల్పోయిన నేపథ్యంలో కొత్తగా ఆమోదించిన జీవో ప్రకారం రాష్ట్రంలో రోడ్లు, హైవేలపై బహిరంగ సభలు, సమావేశాలు నిషేధించారు. అయితే, అరుదైన, అసాధారణమైన పరిస్థితులలో మాత్రమే బహిరంగ సభలకు అనుమతి ఇవ్వబడుతుంది.
జనవరి 4న చంద్రబాబు నాయుడు మూడు రోజుల కుప్పం పర్యటనలో భాగంగా రోడ్‌షో నిర్వహించకుండా పోలీసులు అడ్డుకున్నారు. ఆరు వాహనాల్లో వచ్చిన టీడీపీ కార్యకర్తలను పోలీసులు అడ్డుకోవడంతో బారికేడ్లు వేయడంతో పోలీసులతో వాగ్వాదానికి దిగారు. వీఐపీ బందోబస్త్ డ్యూటీకి వచ్చిన చిత్తూరు జిల్లా పలమనేరు రూరల్ సర్కిల్ ఇన్‌స్పెక్టర్ ఆఫ్ పోలీస్ జి. అశోక్ కుమార్, ఆయన బృందం జాతీయ, రాష్ట్ర రహదారులపై రాస్తారోకోలకు అనుమతి లేదని టీడీపీ కార్యకర్తలతో చెప్పడంతో పోలీసుల విధులను విశ్వనాథనాయుడు, ఆయన అనుచరులు అడ్డుకున్నారు. ఈ ఘటనలో ఓ కానిస్టేబుల్‌, సీఐ తులసీరాంకు గాయాలయ్యాయి.
పోలీసులు ప్రచార వాహనాన్ని, సౌండ్ సిస్టమ్ ఉన్న ఇతర వాహనాన్ని కూడా పోలీస్ స్టేషన్‌కు తీసుకెళ్లారు. న్యూస్‌మీటర్‌తో పలమనేరు డీఎస్పీ ఎన్‌.సుధాకర్‌రెడ్డి మాట్లాడుతూ.. పోలీసులపై దాడి, ప్రచార వాహనాల్లో అనుమతి లేకుండా సౌండ్ సిస్టమ్ పెట్టడం, ఎస్‌ఐపై దాడికి సంబంధించి మూడు వేర్వేరు కేసుల్లో ఎఫ్ఐఆర్ నమోదు చేశామన్నారు.
