గ్రౌండ్ రిపోర్ట్: ఆంధ్రా ప్యారిస్‌ తెనాలిలో వైఎస్సార్‌సీపీ-ఎన్డీయే మధ్య ఎన్నికల వార్ ఎలా ఉండబోతోందంటే?

తెనాలి అసెంబ్లీ నియోజకవర్గంలో అధికార వైఎస్సార్ కాంగ్రెస్ పార్టీ (వైఎస్‌ఆర్‌సీపీ), తెలుగుదేశం పార్టీ (టీడీపీ), జనసేన, భారతీయ జనతా పార్టీ (బీజేపీ) కూటమి మధ్య హోరాహోరీ పోటీ నెలకొంది. వైఎస్సార్‌సీపీ సిట్టింగ్‌ ఎమ్మెల్యే అన్నాబత్తుని శివకుమార్‌ మళ్లీ గెలవాలని తీవ్రంగా ప్రయత్నిస్తున్నారు. గత సారి ఓడిపోయిన జనసేన అభ్యర్థి నాదెండ్ల మనోహర్ మళ్లీ ఎన్డీయే ఉమ్మడి అభ్యర్థిగా అదృష్టాన్ని పరీక్షించుకుంటున్నారు. బీసీ, కాపు, మాల, కమ్మ, మాదిగ, ఆర్యవైశ్య, ముస్లిం ఓటర్లు ఎక్కువ. పట్టణ ఓటర్లు కూడా ఎక్కువే. గతంలో ఈ నియోజకవర్గం నుంచి పలువురు రాజకీయ ప్రముఖులు పోటీ చేశారు. వీరిలో మాజీ ముఖ్యమంత్రి నాదెండ్ల భాస్కరరావు, ఆయన కుమారుడు నాదెండ్ల మనోహర్, మాజీ మంత్రి అన్నబత్తుని సత్యనారాయణ, ఆయన కుమారుడు అన్నాబత్తుని శివకుమార్, దొడ్డపనేని ఇందిర, ఆమె కుమార్తె గోగినేని ఉమ ఉన్నారు.

యువతకు ఉపాధి అవకాశాలు కల్పించడంలో వైఎస్సార్‌సీపీ విఫలమైంది:

యువతకు ఉపాధి అవకాశాలు కరువయ్యాయి. ఇదే ప్రజల ఆగ్రహానికి కారణమని తెనాలి గృహిణి సీహెచ్ ఆదిలక్ష్మి అన్నారు. ఉద్యోగాలు కల్పించడంలో వైఎస్సార్‌సీపీ ప్రభుత్వం విఫలమైందని ఆరోపించారు. ఉపాధి కోసం అనేక మంది ఇతర రాష్ట్రాలకు వెళ్తున్నారని తెలిపారు. విస్తృతమైన సంక్షేమ పథకాలను అమలు చేస్తున్నప్పటికీ, సంపదను సృష్టించలేకపోతున్నారు. టీడీపీ మెజారిటీ ఓట్లను సాధిస్తేనే సంక్షేమం, అభివృద్ధి జరుగుతాయని ఆదిలక్ష్మి అన్నారు.

ప్రస్తుత ఎమ్మెల్యే శివకుమార్‌ గురించి ఆదిలక్ష్మి మాట్లాడుతూ.. నియోజకవర్గ అభివృద్ధికి తగినన్ని నిధులు మంజూరు చేయడంలో పూర్తిగా విఫలమయ్యారన్నారు. ప్రస్తుత మున్సిపాలిటీని మున్సిపల్ కార్పొరేషన్‌గా అప్‌గ్రేడ్ చేయడంలో, మౌలిక సదుపాయాలను అభివృద్ధి చేయడంలో ప్రస్తుత ఎమ్మెల్యే విఫలమయ్యారని ఆమె అన్నారు. తెనాలి-విజయవాడ మధ్య రోడ్డు దుస్థితిని ఆమె ఉదాహరణగా చెప్పారు. మార్గంలో అనేక ప్రమాదాలు జరుగుతున్నాయని తెలిసినప్పటికీ, ఎమ్మెల్యే ఏమీ చేయలేదు. వైఎస్సార్‌సీపీ ప్రభుత్వ హయాంలో తెనాలి నియోజకవర్గంలో పలు ప్రాజక్టులు, రోడ్డు ప్రాజెక్టులు అటకెక్కాయి. మా పిల్లల భవిష్యత్తును కాపాడేందుకు నాదెండ్ల మనోహర్‌ ఎమ్మెల్యే అభ్యర్థిత్వానికి మద్దతు ఇవ్వాలని నిర్ణయించుకున్నామని ఆమె తెలిపారు.

తెనాలి అభివృద్ధికి నాదెండ్ల మనోహర్ కీలకపాత్ర

స్థానిక ఆటోడ్రైవర్‌ ఎ వెంకటరావు మాట్లాడుతూ.. తెనాలి అసెంబ్లీ సెగ్మెంట్‌లో రోడ్లు, ఇతర మౌలిక సదుపాయాల కల్పనలో నాదెండ్ల మనోహర్‌ విశేష పాత్ర పోషించారన్నారు. వచ్చే ఎన్నికల్లో మనోహర్‌కు ఎమ్మెల్యేగా అవకాశం ఇవ్వాలని అన్నారు. 2019లో వైఎస్‌ఆర్‌సీపీ అభ్యర్థి అన్నాబత్తిన శివకుమార్‌కు ప్రజలు అవకాశం ఇచ్చారని, కానీ ఆయన ఐదేళ్లు గడిచినా పట్టణాల్లోని నాసిరకం రోడ్లను పట్టించుకోలేదని.. ఇక కాలువలకు మరమ్మతులు చేయలేకపోయారని ఆయన అన్నారు. వైఎస్‌ఆర్‌సీపీ ప్రభుత్వం ఆటో రిక్షా డ్రైవర్లకు రూ. 10,000 సహాయం అందజేసిందా అని ప్రశ్నించగా, ఆ పథకానికి తాను అనర్హుడని చెప్పారు. ‘‘నియోజకవర్గంలో అనేక రోడ్లు అధ్వానంగా ఉన్నాయి. గుంతలు పడిన రోడ్లపై డ్రైవింగ్ చేయడంతో మా ఆటో రిక్షాలు తీవ్రంగా నష్టపోతున్నాయి. ఇక జరిమానాలు విధించడం ద్వారా, బ్రేక్ ఇన్స్పెక్టర్లు ఆటో-రిక్షా డ్రైవర్లను కూడా వెంటాడుతూ ఉన్నారు”అని చెప్పుకొచ్చాడు.

ప్రజలకు అందుబాటులో శివకుమార్

స్థానిక అకౌంటెంట్ ఎంవి శర్మ మాట్లాడుతూ వైసీపీ ప్రభుత్వం నిరుపేదలను ఆదుకుంటూ దేశాన్ని ముందుకు నడిపిస్తోందన్నారు. వైద్యం, విద్యా రంగాలను మెరుగుపరచడంలో వైఎస్‌ జగన్‌ మోహన్‌రెడ్డి పాత్ర విశిష్టమైనదని, గ్రామ/వార్డు సచివాలయం ప్రభుత్వాన్ని సామాన్య ప్రజలకు మరింత చేరువ చేసిందన్నారు. ఎమ్మెల్యే శివ కుమార్ తన ఐదేళ్ల పదవీ కాలంలో ప్రజలకు అందుబాటులో ఉన్నారని అన్నారు. ఇంటింటికీ తిరుగుతూ ప్రచారం చేస్తూ ప్రజలకు చేరువయ్యారు. గతంలో గుంటూరు, ఇతర జిల్లాల ఎమ్మెల్యేలు తెనాలిలో పోటీ చేసినా హైదరాబాద్ లేదా సొంత జిల్లాల్లోనే గడిపారని తెలిపారు. తెనాలి అభివృద్ధిలో మాజీ స్పీకర్ నాదెండ్ల మనోహర్ కీలకపాత్ర పోషించారని శర్మ కూడా అంగీకరించారు. అయితే టీడీపీ, జనసేన, బీజేపీ కాంబినేషన్‌లో ప్రజా విశ్వాసం లేని కూటమి ఉమ్మడి అభ్యర్థిగా మనోహర్ పోటీ చేస్తున్నారని అన్నారు.

వైఎస్‌ఆర్‌సీపీ అభివృద్ధి, సంక్షేమం రెండింటిపైనా దృష్టి సారించాలి:

తెనాలిలోని ఓ ప్రైవేట్ కళాశాల అధ్యాపకులు కె నరసింహమూర్తి మాట్లాడుతూ సిట్టింగ్ ఎమ్మెల్యే గత ఐదేళ్లలో రైతు భరోసా కేంద్రాలు, అర్బన్ హెల్త్ సెంటర్లు, డ్రైన్లు ఏర్పాటు చేసి నియోజకవర్గాన్ని అభివృద్ధి చేశారన్నారు. ముఖ్యంగా తెనాలి-విజయవాడ మధ్య దెబ్బతిన్న రోడ్లను బాగు చేయడంలో శివకుమార్ వెనుకంజ వేశారు. టెయిల్ ఎండ్ భూములకు సాగునీరు అందేలా డ్రైన్ల అభివృద్ధికి కూడా ఎలాంటి చర్యలు తీసుకోలేదన్నారు. నరసింహమూర్తి మాట్లాడుతూ తెనాలి పట్టణ ఓటర్లు తమ దైనందిన సమస్యలైన ఇళ్లు, రోడ్లు, తాగునీరు వంటి వాటికి పరిష్కారాలు చూపే పార్టీకే ఓటు వేస్తారని అన్నారు. తెనాలి నియోజకవర్గంలో సంక్షేమ పథకాలు అమలు చేయడమే కాకుండా మౌలిక వసతుల కల్పనపై వైఎస్సార్‌సీపీ దృష్టి సారించాలని ఆయన అన్నారు.

తెనాలి అసెంబ్లీ నియోజకవర్గం:

గుంటూరు లోక్‌సభ నియోజకవర్గం పరిధిలోని ఏడు అసెంబ్లీ సెగ్మెంట్లలో తెనాలి ఒకటి. నియోజకవర్గంలోని రెండు మండలాలు ఉన్నాయి. తెనాలి, కొల్లిపర. వీటిలో సుమారు 2.62 లక్షల మంది ఓటర్లు ఉన్నారు. నియోజకవర్గంలో కమ్మ సామాజికవర్గం ప్రధాన ఓటు బ్యాంకు. తెనాలి నగరం కళ, సంస్కృతి, నాటకాలకు ప్రసిద్ధి చెందింది. కృష్ణా నది నుండి మూడు కాలువలు నగరం మీద నుండి ప్రవహిస్తాయి. అందుకే తెనాలిని "ఆంధ్రా ప్యారిస్" అని అంటారు.

తెనాలి టాలీవుడ్‌కి గొప్ప నటులను అందించింది. వారిలో సూపర్‌స్టార్ ఘంటమనేని కృష్ణ, గుమ్మడి వెంకటేశ్వరరావు, కొంగర జగ్గయ్య, అలనాటి హీరోయిన్లు జమున, కాంచనమాల, సావిత్రి, శారద తదితరులు ఉన్నారు. 2019 అసెంబ్లీ ఎన్నికల్లో వైఎస్సార్‌సీపీకి చెందిన ప్రస్తుత ఎమ్మెల్యే అన్నాబత్తిన శివ కుమార్ మొత్తం పోలైన ఓట్లలో 45.92 శాతం ఓట్లతో విజయం సాధించారు. టీడీపీ అభ్యర్థి ఆలపాటి రాజేంద్రప్రసాద్‌, జనసేన అభ్యర్థి నాదెండ్ల మనోహర్‌లపై ఆయన విజయం సాధించారు.

1952 నుంచి 1952, 1955, 1962, 1989, 2009లో ఐదుసార్లు కాంగ్రెస్‌ గెలుపొందగా.. 1978 లో జనతా పార్టీ గెలుపొందింది. 1983, 1985, 1994, 1999, 2014లో టీడీపీ గెలుపొందగా.. 2019లో వైఎస్సార్‌సీపీ అభ్యర్థులు గెలుపొందారు.