జనసేనలో చేరిన జానీ మాస్టర్

ప్రముఖ కొరియోగ్రాఫర్ షేక్ జానీ మాస్టర్ జనసేన పార్టీలో చేరారు. మంగళగిరి జనసేన కేంద్ర కార్యాలయంలో పార్టీ అధ్యక్షుడు పవన్ కల్యాణ్ సమక్షంలో ఆయన పార్టీలో చేరారు. పవన్ కళ్యాణ్ ఆయనకు కండువా కప్పి జనసేనలోకి ఆహ్వానించారు. జానీ మాస్టర్ జనసేనానికి ఖురాన్ ను బహూకరించారు. నెల్లూరు జిల్లాకు చెందిన జానీ మాస్టర్ గత కొన్నిరోజులుగా సామాజిక సేవా కార్యక్రమాల్లో పాల్గొంటున్నారు. ఆయన రాజకీయాల్లోకి వస్తారనే ప్రచారం జోరుగా సాగింది.. అలాగే పవన్ కళ్యాణ్ కు మద్దతుగా పలు వ్యాఖ్యలు చేశారు. ఇప్పుడు ఆయన నేడు జనసేనలో చేరారు.