వైజాగ్ టీ20 మ్యాచ్ కోసం ఆర్టీసీ ప్రత్యేక బస్సులు

భారత్, ఆస్ట్రేలియా జట్ల మధ్య 5 టీ20 మ్యాచ్‌ల సిరీస్ నేటి నుంచి ప్రారంభమవుతుంది. తొలి టీ 20 మ్యాచ్ విశాఖపట్నంలో రాత్రి 7 గంటలకు మొదలవుతుంది. వరల్డ్ కప్ ఫైనల్లో మనల్ని ఓడించిన ఆస్ట్రేలియాను 5-0తో ఓడించాలని భారత అభిమానులు కోరుతున్నారు. కాగా, ఈ సిరీస్‌లో భారత జట్టు సీనియర్లు లేకుండా బరిలోకి దిగనుంది. సూర్య కుమార్ యాదవ్ కెప్టెన్సీ చేస్తారు.

ఈ నేపథ్యంలోనే భారత్‌-ఆస్ట్రేలియా మధ్య టీ-20 క్రికెట్‌ పోరుకు గురువారం పీఎం పాలెం స్టేడియానికి వచ్చే ప్రేక్షకుల సౌకర్యార్థం ఏపీఎస్‌ఆర్‌టీసీ ప్రత్యేక బస్సు సర్వీసులను ప్రకటించింది. సాయంత్రం 7:00 గంటలకు ప్రారంభమయ్యే మ్యాచ్‌కు ముందు ఆర్టీసీ మధ్యాహ్నం 2:00 గంటల నుండి అనేక సర్వీసులను మోహరించనుంది.

ఈ కింది మార్గాల నుండి బస్సులు స్టేడియంకు వెళ్తాయి

OHPO (25P, 25D, 25E), రైల్వే స్టేషన్ (25R, 25J), RK బీచ్ (25M) నుండి బస్సులు విశాఖ వ్యాలీ స్కూల్, IT జంక్షన్, లా కాలేజీ మీదుగా క్రికెట్ స్టేడియానికి వెళ్తాయి. తగరపువలస, విజయనగరం, శ్రీకాకుళం నుండి బస్సులు మధ్యాహ్నం 2:00 గంటల నుండి నడుస్తాయి. హనుమంతవాక, ఆదివవరం, శొంత్యం, ఆనందపురం మీదుగా.. తిరుగు ప్ర‌యాణంలో బస్సులు మారికవలస, బీచ్ రోడ్, MVP రోడ్ మీదుగా వెళ్తాయి.

కూర్మన్నపాలెం (హైవే), పాత గాజువాక (సింధియా), రైల్వే స్టేషన్, పోస్టాఫీసు, పెందుర్తి (ఆదివవరం మీదుగా) నుండి క్రికెట్ స్టేడియంకు ప్రత్యేక బస్సులు కూడా నడుస్తాయి. మ్యాచ్ పూర్తయిన తర్వాత రాత్రి 10:00 గంటల నుండి వివిధ మార్గాల్లో క్రికెట్ స్టేడియం నుండి బస్సులు తిరిగి ప్రారంభమవుతాయి.

ఆస్ట్రేలియా జట్టు: ట్రావిస్ హెడ్, మాథ్యూ షార్ట్, స్టీవెన్ స్మిత్, జోష్ ఇంగ్లిస్, గ్లెన్ మాక్స్‌వెల్, మార్కస్ స్టోయినిస్, టిమ్ డేవిడ్, మాథ్యూ వేడ్(w/c), సీన్ అబాట్, ఆడమ్ జంపా, నాథన్ ఎల్లిస్, జాసన్ బెహ్రెండార్ఫ్, తన్వీర్ సంఘా, కేన్ రిచర్డ్‌సన్ ఆరోన్ హార్డీ

భారత జట్టు: ఇషాన్ కిషన్(w), యశస్వి జైస్వాల్, సూర్యకుమార్ యాదవ్(c), తిలక్ వర్మ, శివమ్ దూబే, రింకూ సింగ్, అక్షర్ పటేల్, రవి బిష్ణోయ్, అర్ష్‌దీప్ సింగ్, ప్రసిద్ధ్ కృష్ణ, ముఖేష్ కుమార్, వాషింగ్టన్ సుందర్, అవేష్ ఖాన్, రుతురాజ్ గైక్వాడ్ , జితేష్ శర్మ