ఏపీలో నేటి నుండి రెండో విడత 'పంచాయతీ' నామినేషన్లు

ఏపీలో నేటి నుంచి రెండో విడత పంచాయతీ ఎన్నికల నామినేషన్ల ప్ర‌క్రియ ప్రారంభం కానుంది. 3,335 పంచాయతీ సర్పంచ్‌ స్థానాలకు, 33,632 వార్డులకు రెండో విడత ఎన్నికలు జరుగనున్నాయి. నామినేషన్ల స్వీకరణ ఈ రోజు మొదలై.. 4వ తేదీ వరకు కొనసాగనుంది. 5న నుంచి నామినేషన్ల‌ పరిశీలన మొదలవుతుంది. 8వ ‌తేదీ మధ్యాహ్నం 3 గంట‌ల వ‌ర‌కూ నామినేషన్ల ఉపసంహరణకు గడువు ఉంది.

అదే రోజు అభ్యర్థుల తుది జాబితాను ఖరారు చేయనున్నారు. 13వ తేదీ పోలింగ్‌ జరుగుతుంది. అదే రోజు సాయంత్రం 4 గంటలకు కౌంటింగ్‌ ప్రక్రియ చేపట్టి, ఫలితాలు ప్రకటిస్తారు. ఫలితాలు వెలువడ్డాక అదేరోజు సాయంత్రం లేదంటే మరుసటి రోజు ఉదయం సర్పంచ్‌, ఉప సర్పంచుల ఎన్నికను నిర్వహించనున్నారు.