ఉచిత త్రీ-వీలర్ కోసం.. వికలాంగుల నుంచి దరఖాస్తులకు ఏపీ ప్రభుత్వం ఆహ్వానం

అమరావతి: రాష్ట్రంలోని వికలాంగులకు ఉచితంగా మూడు చక్రాల మోటారు వాహనాలను అందించేందుకు ఆంధ్రప్రదేశ్ ప్రభుత్వం చర్యలు చేపట్టింది. ఇందుకు సంబంధించి ఏపీ వికలాంగులు అండ్ సీనియర్ సిటిజన్స్ కోఆపరేటివ్ సొసైటీ ( APDASCAC ) మార్గదర్శకాలను విడుదల చేసింది. ఈ నెల 31 వరకు దరఖాస్తులను ఆహ్వానించింది. 70 శాతం కంటే ఎక్కువ వైకల్యం, ఎస్‌ఎస్‌ఎస్సీ ఉత్తీర్ణత ఉన్న 18 నుండి 45 సంవత్సరాల మధ్య ఉన్నవారు అప్లికేషన్‌ పెట్టుకోవాలని తెలిపింది. లబ్ధిదారుల వార్షిక ఆదాయం రూ.3 లక్షల లోపు ఉండాలి.

అయితే, లబ్ధిదారులు ఎంపికకు రెండు నెలల ముందు డ్రైవింగ్ లైసెన్స్ కలిగి ఉండాలి. వారికి స్వంత వాహనం ఉండకూడదు. వికలాంగులు గతంలో దరఖాస్తు చేసుకున్నప్పటికీ మంజూరు కాకపోతే మళ్లీ దరఖాస్తు చేసుకోవడానికి అర్హులని ఏపీడీఏఎస్‌సీఏసీ తెలిపింది. లబ్దిదారులు ఏపీడీఏఎస్‌సీఏసీ వెబ్‌సైట్‌లో దరఖాస్తుతో పాటు జిల్లా మెడికల్ బోర్డు సర్టిఫికేట్, ఆధార్ కార్డ్, SSC సర్టిఫికేట్, SC, ST, వికలాంగుల పూర్తి పాస్‌పోర్ట్ సైజు ఫోటో అయితే కుల ధృవీకరణ పత్రాన్ని అప్‌లోడ్ చేయాలి.