ఏపీలో కరోనా పాజిటివ్‌ కేసుల సంఖ్య రోజురోజుకు పెరిగిపోతున్నాయి. ఏపీలో కరోనా వైరస్‌ విజృంభిస్తోంది. శనివారం 4 గంటలకు తాజా హెల్త్‌ బులిటెన్‌ విడుదల చేసింది ఏపీ ఆరోగ్యశాఖ. కొత్తగా 21 కరోనా పాజిటివ్‌ కేసులు నమోదైనట్లు తెలిపింది. ఇప్పటి వరకూ 402 పాజిటివ్‌ కేసులు నమోదైనట్లు తెలిపింది. శనివారం గుంటూరులో -14, కర్నూలు -5, ప్రకాశం -1, కడపలో -1 పాజిటివ్‌ కేసు చొప్పున నమోదయ్యాయి. గడిచిన 24 గంటల్లో 909 పరీక్షల్లో 37 పాజిటివ్‌ కేసులు నమోదు కాగా, ఇప్పటి వరకూ ఆరుగురు మృతి చెందారు.

కరోనా వైరస్‌ విజృంభిస్తుండటంతో దేశ వ్యాప్తంగా లాక్‌డౌన్‌ కొనసాగుతోంది. ఇప్పటికే పలు ప్రాంతాలను రెడ్‌జోన్లుగా ప్రకటించింది ఏపీ సర్కార్‌. దీంతో ప్రజలెవ్వరిని బయటకు రానివ్వకుండా చర్యలు చేపడుతున్నారు పోలీసులు. నిత్యావసరాలను సైతం వారి వద్దకే సరఫరా చేస్తున్నారు. నిబంధనలు అతిక్రమించిన వారిపై చర్యలు చేపడుతున్నారు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.