బ‌న్నీ ‘అల‌… వైకుంఠ‌పుర‌ములో’ విడుద‌ల తేదీ ఖ‌రారు

స్టైలిష్ స్టార్ అల్లు అర్జున్, మాటల మాంత్రికుడు, సుప్రసిద్ధ సినీ దర్శకుడు త్రివిక్రమ్ దర్శకత్వంలో తెరకెక్కుతున్నభారీ చిత్రం అల వైకుంఠపురంలో…  ఈ సినిమా వీరిద్దరి కాంబినేషన్లో రాబోతున్న హ్యాట్రిక్  కావడంతో సినిమా పై భారీ అంచనాలు ఏర్ప‌డ్డాయి. ఈ భారీ చిత్రాన్ని ప్ర‌ముఖ నిర్మాణ సంస్థ‌లు ‘గీతాఆర్ట్స్’, ‘హారిక అండ్ హాసిని క్రియేషన్స్’నిర్మిస్తున్నాయి. ఈ చిత్రం సంక్రాంతి కానుకగా జనవరి 12 న విడుదల అవుతోందని చిత్ర బృందం ప్రకటించింది. దీనికి సంబంధించిన ప్రచార చిత్రాన్ని విడుదల చేసింది.

‘అల వైకుంఠపురంలో’  చిత్రంలోని మొదటి పాట ‘సామజవరగమన’పాట‌ను ద‌స‌రా సంద‌ర్భంగా రిలీజ్ చేయ‌డం.. ఈ పాట‌కు విశేష స్పంద‌న రావ‌డం తెలిసిందే. సంక్రాంతి బరిలో దిగుతున్న ఈ చిత్రం చక్కటి ఫామిలీ ఎంటర్ టైనర్ గా శరవేగం గా షూటింగ్ జరుపుకుంటోంది. ప్రస్తుతం ప్రధాన తారాగణం పై పాట చిత్రీక‌రిస్తున్నారు. ఇందులో అక్కినేని ఫ్యామిలీ హీరో సుశాంత్ ముఖ్య పాత్ర పోషిస్తుండ‌డం విశేషం.

సామ్రాట్ మేడి

మేడి. సామ్రాట్ .. నేను న్యూస్ మీట‌ర్ లో జ‌ర్న‌లిస్టుగా ప‌నిచేస్తున్నాను. గ‌తంలో ఆంధ్ర‌ప్ర‌భ‌, భార‌త్ టుడే, న్యూస్ హ‌బ్, ఏపీ హెరాల్డ్ ల‌లో 3 సంవ‌త్స‌రాల పాటు ప‌నిచేశాను. జ‌ర్న‌లిజం ప‌ట్ల ఇష్టంతో నేను ఈ వృత్తిని ఎంచుకున్నాను.