మళ్లీ రేటు పెంచేసిన హీరోయిన్‌

తెలుగులో మంచి క్రేజ్‌  ఉన్నహీరోయిన్లలో ఒకరు కన్నడ ముద్దుగుమ్మ నభా నటేశ్‌. దర్శకుడు పూరి జగన్నాథ్‌, రామ్‌ కలయికలో వచ్చిన ‘ఇస్మార్ట్‌ శంకర్‌’లో చాందిని పాత్రలో నటించి మంచి పేరు తెచ్చుకుంది. ఈ మూవీలో రామ్‌ స్పీడ్‌కు ఎక్కడ తగ్గకుండా తెలంగాణ యాసలో మాట్లాడి తన అందాలతో అభిమానుల మతులుపోగొట్టింది. ఇదిలా ఉంటే టాలీవుడ్‌లో హీరోయిన్లకు ఇచ్చినంత రెమ్యూనరేషన్‌ ఏ ఇండస్ట్రీలో ఇవ్వరనేది టాక్‌. అందుకే తెలుగు సినిమాల్లో నటించాలంటే హీరోయిన్లు ఎక్కువగా ఆసక్తి చూపుతుంటారు. ఇక కన్నడ సినిమాల్లో తక్కువ రెమ్యూనరేషన్‌ తీసుకుంటున్న నభా నటేశ్‌.. తెలుగులో మాత్రం తన రెమ్యూనరేషన్‌ అమాంతంగా పెంచిసిందనే వార్తలు సినీ వర్గాల్లో చక్కర్లు కొడుతున్నాయి.

ఈ భామకు ‘ఇస్మార్ట్‌ శంకర్‌’లో వచ్చిన పారితోషకం కేవలం రూ.20 లక్షలే. ఈ సినిమా హిట్‌ కావడంతో ఈ అమ్మడు తన రెమ్యూనరేషన్‌ రేటు పెంచేసి ఏకంగా 40 లక్షలకు డిమాండ్‌ చేసిందట.. ఇక అదే రెమ్యూనరేషన్‌ డిస్కోరాజా కోసం అందుకుందట. ఆ తర్వాత మరో సినిమాను బెల్లంకొడ శ్రీనివాస్‌తో చేస్తోంది. ఈ సినిమాకు నభా నటేశ్‌ 80 లక్షల వరకు డిమాండ్‌ చేసినట్లు తెలుస్తోంది. కాగా, ఈ ముద్దుగుమ్మ ఎంత అడిగితే అంత ఇవ్వడానికి రెడీగా ఉన్నారట నిర్మాతలు. పారితోషకాన్ని పెంచుకుంటు వస్తున్న ఈ ముద్దుగుమ్మ.. మరో సినిమా హిట్‌ అయితే ఇక కోటి రూపాయల వరకు వెళ్తుందనడంలో సందేహం లేదు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.