ఆస్ట్రేలియాలో సంభవించిన కార్చిచ్చు బాధితుల సహాయార్థం మాజీ క్రికెటర్లంతా కలిసి ఓ చారిటీ మ్యాచ్‌ ఆడనున్నారు. రెండు జట్లుగా (గిల్‌క్రిస్ట్XI, పాంటింగ్‌ XI) గా విడిపోయి మ్యాచ్‌ ఆడనున్నారు. తొలుత ఈ మ్యాచ్‌ ను శనివారం సిడ్నిలో నిర్వహించాలని అనుకున్నా.. వాతావరణం అనుకూలించలేదు. దీంతో ఆదివారం మెల్‌బోర్న్‌ వేదికగా ఈ మ్యాచ్‌ జరగనుంది.

అనుకోకుండా మ్యాచ్‌ ఆదివారం జరనుండడంతో షేన్‌ వార్న్ జట్టుకు గిల్‌క్రిస్ట్ నాయకత్వం వహిస్తున్నాడు. ముందుగా ఈ జట్టుకు వార్న్ నాయకత్వం వహించాల్సి ఉంది. అయితే ఆదివారం వార్న్ కు ఇతర కార్యక్రమాలు ఉండడంతో అతడు ఈ మ్యాచ్‌ లో ఆడడం లేదు.ఇదిలా ఉంటే.. గిల్‌క్రిస్ట్ నాయకత్వంలో టీమిండియా ఆల్ రౌండర్‌ యువరాజ్‌ సింగ్ ఆడనుండగా.. పాంటింగ్ జట్టులో బ్రెట్‌లీ ఉన్నాడు. ఈ సందర్భంగా బ్రెట్‌లీ రేపు 150కిమీల వేగంతో బంతులేస్తే ఏమౌంతుందని యువీని ప్రశ్నించగా… తనదైన శైలిలో యువరాజ్‌ సమాధానమిచ్చాడు. ఇప్పుడున్న పరిస్థితుల్లో బ్రెట్‌లీ 150కిమీల వేగంతో బంతులు వేస్తాడని అనుకోవడం లేదన్నాడు. మహా అయితే 130-135కిమీల వేగంతో వేయవచ్చునని.. ఒకవేళ 150కిమీల వేగంతో వేస్తే .. నేను నాన్‌ స్ట్రైకింగ్‌ ఎండ్ ఉంటా అని యువీ ఫన్నీగా జవాభిచ్చాడు. గతంలో వీరిద్దరి మధ్య ఆసక్తికర పోరాలు జరిగిన సంగతి తెలిసిందే..

గిల్‌క్రిస్ట్‌ జట్టు: షేన్‌వాట్సన్‌, బ్రాడ్‌ హాడ్జ్‌, ఆడం గిల్‌క్రిస్ట్‌(కీపర్‌, కెప్టెన్‌), ఆండ్రూ సైమండ్స్‌, యువరాజ్‌ సింగ్‌, అలెక్స్‌ బ్లాక్‌వెల్‌, పీటర్‌ సిడిల్‌, కౌర్ట్నీవాల్ష్‌, ఫవద్‌ అహ్మద్‌, నిక్‌ రీవోల్ట్‌, కామెరాన్‌ స్మిత్‌.

పాంటింగ్‌ జట్టు : రికీపాంటింగ్‌(కెప్టెన్‌), జస్టిన్‌ లాంగర్‌, ఎలిసె విల్లాని, ఫోబ్‌ లిచ్‌ఫీల్డ్‌, బ్రయన్‌ లారా, మాథ్యూహేడెన్‌, బ్రాడ్‌ హడ్డిన్‌(కీపర్‌), డానియల్‌ క్రిస్టియన్‌, లుక్‌ హోడ్జ్‌, వసీం అక్రమ్‌, బ్రెట్‌లీ.

న్యూస్‌మీటర్ నెట్‌వర్క్

విశ్వసనీయమైన డిజిటల్ మీడియా ప్లాట్‌ఫారమ్.. మీకు విశ్వసనీయ వార్తా కథనాలను మరియు ప్రస్తుత వ్యవహారాల విశ్లేషణను అందిస్తుంది.