క‌రోనా వైర‌స్ దెబ్బ‌కి క్రీడారంగం కుదేలైంది. ప‌లు క్రీడా టోర్నీలు వాయిదా ప‌డ‌గా.. మ‌రికొన్ని ర‌ద్దు అయ్యాయి. ఈ మ‌హ‌మ్మారి ముప్పుతో చాలా దేశాలు లాక్‌డౌన్ ను విధించాయి. దీంతో క్రీడాకారులంతా ఇళ్ల‌కు ప‌రిమితం అయ్యారు. అనుకోకుండా దొరికిన ఈ విరామాన్ని తమ కుటుంబ స‌భ్యుల‌తో క‌లిసి హాయిగా కాలం గ‌డుపుతున్నారు. ఇక ఈ లాక్‌డౌన్ కాలంలో తాము చేస్తున్న ప‌నుల‌ను సోష‌ల్ మీడియా ద్వారా అభిమానుల‌తో పంచుకుంటున్నారు.

భార‌త టెన్నిస్ స్టార్‌ సానియా మీర్జా.. లాక్‌డౌన్ స‌మ‌యంలో త‌న కుటుంబ స‌భ్యుల‌తో గ‌డుపుతోంది. కాగా.. భార‌త దేశంలో క‌రోనా కేసులు పెరుగుతుండ‌డంతో మే 3 వ‌ర‌కు కేంద్రం లాక్‌డౌన్‌ను పొడిగించింది. దీంతో మంగ‌ళవారం సానియా ట్విట్ట‌ర్‌లో ఓ పోటోను పోస్టు చేసింది. ఆ ఫోటోలో సానియా గోడ‌కు ఆనుకుని కింద కూర్చోని ఉంది. ఓ చేతిలో టెన్నిస్ బ్యాట్ ప‌ట్టుకొని ఉండ‌గా.. కింద చాలా టెన్నిస్ బంతులు ఉన్నాయి. ఈ ఫోటోను పోస్టు చేయ‌డంతో పాటు “ఆట‌ను చాలా మిస్స‌వుతున్నా.. మ‌ళ్లీ ఆడేందుకు వేచిచూస్తున్నాంటూ” రాసుకొచ్చింది. ప్ర‌స్తుతం ఈ ఫోటో సోష‌ల్ మీడియాలో వైర‌ల్‌గా మారింది.

బిడ్డ‌కు జ‌న్మ‌నిచ్చాక ఆట‌కు సానియా దాదాపు రెండేళ్ల పాటు దూరం అయ్యింది. ఈ ఏడాది జ‌న‌వ‌రిలో రీ ఎంట్రీ ఇచ్చింది. ప్ర‌స్తుతం క‌రోనా ముప్పుతో అన్ని క్రీడా టోర్నీలు వాయిదా ప‌డిన సంగ‌తి తెలిసిందే.


వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.