విశాఖకు విమానయాన సంస్థలు గుడ్ బై.. కారణమెంటీ.?

అమరావతి: విశాఖపట్నం విమానయాన రంగానికి మరో ఎదురు దెబ్బ తగిలింది. విశాఖ ఎయిర్‌పోర్టుకు రెండు విమానయాన సంస్థలు గుడ్‌బై చెప్పేందుకు సిద్ధమయ్యాయి. చెన్నై – వైజాగ్ – చెన్నై, హైదరాబాద్ – వైజాగ్ – హైదరాబాద్ సర్వీసును రద్దు చేసే యోచనలో ఇండిగో విమాన సంస్థ ఉన్నట్లు తెలుస్తోంది. మార్చి రెండో వారం నుంచి సర్వీసు నిలిపివేతకు నిర్ణయం తీసుకున్నట్లు సమాచారం. ఇదే దారిలో స్పైసె జెట్‌ సంస్థ కూడా ఉంది. ఢిల్లీ -వైజాగ్ సర్వీసును నిలిపివేసే యోచనలో స్పైస్ జెట్‌ విమాన సంస్థ ఉంది.

మార్చి నెలాఖరు నుంచి సర్వీసు రద్దు చేసేందుకు నిర్ణయం తీసుకుందని సమాచారం. ఇప్పటికే ఎయిర్‌ ఏషియాకు చెందిన కోల్‌కతా-వైజాగ్‌ విమానం కూడా రద్దు అయ్యింది. మార్చి 28 నుంచి వైజాగ్‌-బెంగళూరు, వైజాగ్‌-హైదరాబాద్‌ సర్వీసులకు ఎయిర్‌ ఏషియా ప్రతిపాదనలు చేసింది. దీనికి సంబంధించి ఎయిర్‌పోర్టు ఆథారిటీ ఆఫ్‌ ఇండియా నుంచి అనుమతులు రాలేదు. లాభాలు సరిగా రాకనే తమ సర్వీసులను ఈ విమానాలు రద్దు చేసుకుంటున్నట్లు తెలుస్తోంది.

కాగా విశాఖ నుంచి విమాన ప్రయాణికుల సంఖ్య పెరుగుతోంది. ఇదిలా ఉంటే విమాన సర్వీసులు తగ్గడంతో విశాఖ ప్రజలకు కొత్త చిక్కొచ్చిపడినట్లైంది. డిమాండ్‌ ఉన్న మార్గాల్లో విమానాలను నడిపేందుకు ఆ విమాన సంస్థ యాజమానులు నిర్ణయం తీసుకున్నారని సమాచారం. విశాఖకు విమానయాన సంస్థలు గుడ్‌బై చెబుతున్నాయన్న ఆందోళనలో విమాన ప్రయాణికులు ఉన్నారు. ఇదిలా ఉంటే సీఎం జగన్‌.. విశాఖను ఎగ్జిక్యూటివ్‌ క్యాపిటల్‌ ప్రకటించిన సంగతి తెలిసిందే.

అంజి గోనె

నా పేరు గోనె. అంజి. న్యూస్‌మీటర్‌ తెలుగులో జర్నలిస్టుగా పని చేస్తున్నాను. గతంలో 99టీవీలో క్షేత్రస్థాయి అధ్యయనం చేశాను. మోజో టీవీలో సంవత్సరం పాటు జర్నలిస్టుగా పనిచేశాను. కలం నా బలం, సమస్యలే నా గళం. జర్నలిజం పట్ల ఇష్టంతో నేను ఈ వృత్తిని ఎంచుకున్నాను.