మధ్యప్రదేశ్‌లో అద్భుతం.. కళ్లు ఆర్పిన హనుమంతుడు.. వీడియో వైరల్.!

Video of hanuman blinking in khargon okhleshwar dham1. మధ్యప్రదేశ్‌లోని ఖర్గోన్ జిల్లాలో ఉన్న ఓఖ్లేశ్వర్ ధామ్‌లో పెద్ద అద్భుతం జరిగింది. ఓఖ్లేశ్వర్ ధామ్‌లోని మందిరంలో

By అంజి  Published on  19 Sep 2022 3:59 AM GMT
మధ్యప్రదేశ్‌లో అద్భుతం.. కళ్లు ఆర్పిన హనుమంతుడు.. వీడియో వైరల్.!

మధ్యప్రదేశ్‌లోని ఖర్గోన్ జిల్లాలో ఉన్న ఓఖ్లేశ్వర్ ధామ్‌లో పెద్ద అద్భుతం జరిగింది. ఓఖ్లేశ్వర్ ధామ్‌లోని మందిరంలో హనుమాన్ విగ్రహం కళ్లు ఆర్పడం కెమెరాకు చిక్కింది. ఓక్లా గ్రామంలోని ఓఖ్లేశ్వర్ ధామ్‌కు చెందిన హనుమాన్ విగ్రహం కళ్లు ఆర్పడం వీడియో సోషల్ మీడియాలో వైరల్‌గా మారింది. ప్రజలు బజరంగబలి మహిమ అని చెబుతుండగా, కొందరు హనుమాన్ వీడియోను ఎడిట్ చేసినట్లుగా పేర్కొంటున్నారు. ఓఖ్లేశ్వర్ ధామ్‌లో హనుమాన్ కళ్లు ఆర్పడం వీడియో చూసి ప్రజలు ఆశ్చర్యపోయారు.

సెప్టెంబర్‌ 17న శనివారం సాయంత్రం ఖర్గోన్‌లోని ప్రపంచ ప్రసిద్ధ ఓఖ్లేశ్వర్ ధామ్‌లో ప్రతిష్టించిన హనుమాన్ యొక్క పురాతన విగ్రహం రెప్పవేయడం ప్రారంభించిందని, అప్పుడే ఒక భక్తుడు ఈ అద్భుత వీడియోను తీశాడని తెలిసింది. ఆ వీడియోను సోషల్ మీడియాలో షేర్‌ చేయడంతో.. అప్పటి నుంచి ఓఖ్లేశ్వర్ ధామ్‌లో మెరిసిపోతున్న హనుమాన్ విగ్రహాన్ని చూసేందుకు భక్తుల రద్దీ పెరిగింది. అయితే భక్తులు ఆలయానికి వెళ్లే సరికి అలాంటిదేమీ జరగలేదు. అయితే హనుమాన్‌ విగ్రహం కళ్లు ఆర్పినట్టు కనిపించడం వీడియోలో స్పష్టంగా కనిపిస్తోంది.

రోహిణి నక్షత్రంలో చోళుల అలంకరణ సమయంలోహనుమాన్ విగ్రహం కళ్లు ఆర్పడం వంటి అద్భుత ఘటన జరిగిందని ప్రజలు అంటున్నారు. అయితే ఇక్కడ ఇలాంటి అద్భుతాలు జరగడం కొత్తేమీ కాదని పూజారి, భక్తులు అంటున్నారు. ఆలయంలో భక్తులు కోరుకున్న కోరికలన్నీ నెరవేరుతాయని చెబుతున్నారు. కాగా వైరల్‌ అవుతున్న ఈ వీడియో వాస్తవికత తెలియాల్సి ఉంది.


Next Story
Share it